កម្ពុជាប្រឹងប្រែងលើកតម្កើងតម្បាញសូត្រ 09/10/2010
Posted by ស្រុកខ្មែរ ស្នេហ៍ខ្ញុំ in ព័ត៌មានជាតិ.Tags: ព័ត៌មានជាតិ, Cambodia, European Union, Phnom Penh, Siem Reap, Silk
trackback
សូត្រដែលត្បាញដោយដៃរបស់ប្រជាជន កម្ពុជានៅតែជាដុំស្នូលនៃការទាក់ទាញនៅឯ សន្និសិទមួយដែលរៀបចំ ឡើងដោយមជ្ឈមណ្ឌលសូត្រជាតិ “National Silk Centre” នៅជាយក្រុងនៃខេត្តសៀមរាប នៅស្រុកពួកជាមួយនឹងការផ្តល់មូលនិធិពីសហគមន៍ អឺរ៉ុប។
គោលបំណង សំខាន់ពីក្រោយការរៀបចំថ្ងៃអំបោះសូត្រនេះឡើងគឺដើម្បីលើកតម្កើង គុណភាពនៃផលិតផលសូត្រដែលធ្វើដោយដៃ នៅពេលដែលគេអោយគំនិតមួយអំពី ឧស្សាហកម្ម និង បញ្ហាប្រឈមមុខ។ ក្នុងឱកាសនោះដែរក៏បាននិយាយរំលឹកនូវសេចក្តីសន្និដ្ឋានមួយនៃ គំរោងការដើម្បីបង្កើត និង បង្កើនតម្បាញសូត្រនៅខេត្តសៀមរាប និង បន្ទាយមានជ័យ។
គំរោងការ នោះដែលមកជាមួយនឹងការផ្តល់មូលនិធិពីសហគមន៍អឺរ៉ុបគឺត្រូវបាន ប្រតិបត្តិដោយភូមិមួយចំនួនដែលជាភូមិតម្បាញសូត្រខ្មែរ និង បានប្រតិបត្តិដោយ Chantiers-Ecoles de Formation Professionelle ផងដែរ។ អ្នកជំនាញនៅឯសន្និសិទនោះបានបញ្ជាក់បន្ថែមថាសូត្រខ្មែរទាំងអស់ ដែលផលិតមានចំនួន ១៩ ប្រភេទខុសគ្នាគឺសំរាប់នាំចេញទៅលក់នៅប្រទេសក្រៅ។
ហើយ មិនតែប៉ុណ្ណោះលុយចំនួន ២៥ លានដុល្លារគឺមានតម្លៃសំរាប់ឧស្សាហកម្មសូត្រកម្ពុជា ដោយផ្តល់ការងារអោយមនុស្សចំនួនប្រហែល ២៥០០០ (ពីរម៉ឺនប្រាំពាន់) នាក់ឆ្នាំនេះ។ អ្នកជំនាញក៏បាននិយាយថាអ្នកទេសចរណ៍ភ្លុកទឹកភ្លុកដីសំដៅទៅកាន់ សូត្រខ្មែរដោយសារវាត្រូវបានត្បាញដោយដៃ។
ឧស្សាហកម្ម សូត្រនៅក្នុងប្រទេសគឺជា ប្រភពដ៏សំខាន់នៃភាពមានការងារធ្វើសំរាប់ស្ត្រីក្នុងប្រទេស កម្ពុជា ហើយសូម្បីជួយកាត់បន្ថយភាពក្រីក្រនៅតាមខេត្តឆ្ងាយៗទៀតផង។ ជាប្រពៃណីផលិតកម្មសូត្រគឺកំពុងតែបានផលិតដោយអ្នកត្បាញដែលជា ស្ត្រីដែលពួកគេ ជារួមមានចំនួនដល់ទៅ ៩៩.៥៤ ភាគរយនៃកំលាំងការងារនេះ។
ប្រទេស នេះប្រើចំនួនប្រហែល ៤០០ តោនដែលជាសរសៃសូត្រពណ៌សនាំចូលមកពីប្រទេសក្រៅក្នុងឆ្នាំនិមួយ ៗដើម្បីបន្ថែមអោយបានច្រើន និង អោយបានលឿនទៅលើសូត្រពណ៌មាសដែលផលិតដោយដៃមានគុណភាពខ្ពស់ចំនួន តែបីតោននោះ៕៚
Related Articles
- An Extended Holiday in Cambodia (audleytravel.com)
- Angkor butterfly hunters tell of poverty amid tourist wealth (guardian.co.uk)
- is silk bad for the environment? (greenanswers.com)
មតិ»
No comments yet — be the first.