លោក ហ៊ុន សែន ខ្លាំងជាងព្រះបាទជ័យវរ័្មនទី ៧? 19/03/2011
Posted by ស្រុកខ្មែរ ស្នេហ៍ខ្ញុំ in ជជែក, ទស្សនៈ, បដិវត្តន៍ផ្កាឈូក, ព័ត៌មានជាតិ.Tags: ជជែក, ទស្សនៈ, ព័ត៌មានជាតិ, ហ៊ុន សែន
trackback
“សម្តេចនឿយហត់ណាស់ សម្តេចមិនបានសំរាកគ្រប់គ្រាន់ទេ ព្រោះកិច្ចការប្រទេសជាតិមានច្រើន” នេះជាពាក្យសម្តីអ្នកដែលអ្នកគាំទ្រ និង ស្រលាញ់លោកនាយករដ្ឋមន្ត្រី ហ៊ុន សែន បានសរសេរលើទំព័ររបស់លោកក្នុង ហ្វេសប៊ុក។ ពិតជាគួរអោយច្រណែនលោកនាយករដ្ឋមន្ត្រីមែនទែន ព្រោះលោកមានអ្នកខ្វាយខ្វល់ច្រើនចំពោះលោក ខ្លាចលោកហូបចុកមិនគ្រប់គ្រាន់ សំរាកមិនឆ្អែត ខ្វះលុយកាក់ចាយ គ្មានសំលៀកពំពាក់ល្អស្លៀកពាក់ គ្មានឡានជិះ គ្មានផ្ទះល្អសំរាប់រស់នៅ ហើយម៉្យាងទៀតខ្លាចគេធ្វើបាបដល់រាងកាយរបស់លោកទៀតផង។
គិតទៅបើលំបាកម្លឹងៗលោកនាយករដ្ឋមន្ត្រីដឹកនាំប្រទេសចំនួន បី ទស្សវត្សន៍មកនេះលោកអាចទ្រាំទ្ររួច? នេះប្រហែលជាលោកនាយករដ្ឋមន្ត្រីចូលចិត្តការលំបាកហើយ មើលទៅ បានជាច្រើនលើកច្រើនសារលោកតែងតែប្រកាសក្តែងៗតាមសារព័តិមាន ទូរទស្សន៍ វិទ្យុ ការសែតថាលោកនឹងធ្វើជានាយករដ្ឋមន្ត្រីរហូតដល់អាយុ ៩០ ឆ្នាំ។
អ្នកគាំទ្ររបស់លោកថាស្រលាញ់លោកណាស់ ព្រោះលោកមិនដែលរត់ចោល ប្រជាជនដូចលោក សម រង្សី ទេ។ គិតទៅលោក សម រង្សី អន់ណាស់ អត់ស្រលាញ់ប្រទេសជាតិសោះ បើសិនជាលោកស្រលាញ់ប្រទេសជាតិម្លេះសមលោកនៅទីក្រុង ភ្នំពេញ នៅអោយគេបាញ់សំលាប់ដូចលោក ជា វិជ្ជា ជាមិនខាន ហើយក៏នៅទីក្រុងភ្នំពេញអោយតុលាការដ៏មហាឯករាជ្យកាត់ទោសដាក់គុកលោកចំនួនជាង ១០ ឆ្នាំដោយសារតែចេះឈឺឆ្អាលទៅដកបង្គោលដែលយួនបោះលើដីខ្មែរជាមិនខាន។
អ្នកគាំទ្រ និង ស្រលាញ់លោកនាយករដ្ឋមន្ត្រី ហ៊ុន សែន ក៏និយាយទៀតថា តើពួកយើងចង់បានអ្វីទៀត ប្រទេសយើងសំបូរសប្បាយណាស់ ប្រទេសយើងអីឡូវមានអ្វីៗគ្រប់បែបយ៉ាង សូម្បីជំនាន់សម្តេច សីហនុ ក៏ប្រជាជនអត់មានម៉ូតូជិះច្រើនដូចសម័យអីឡូវដែរ។ អ្នកខ្លះថាលោកនាយករដ្ឋមន្ត្រីខ្លាំងជាងព្រះបាទជ័យវរ័្មនទី ៧ ទៅទៀតណោះប្រាប់អោយដឹងទៅ ហើយបើកំសោយណាស់ក៏គ្រាន់បើជាង ប៉ុល ពត ដែរ តែជាសំណួរតើអ្នកដឹកនាំណាដែលអន់ជាង ប៉ុល ពត ក្នុងលោកនេះ?
ពួកអ្នកគាំទ្រលោកនាយករដ្ឋមន្ត្រីយើង តែងតែនិយាយឌឺដងអោយអ្នកគាំទ្រគណបក្ស ប្រឆាំងថា “ពួកអាអ្នកយកជើងរាទឹក” ដល់អ្នកគាំទ្រគណបក្សប្រឆាំងតបវិញថា”ពួកអាអ្នករុញស៊ីក្លូបញ្ចូលឡាន”។ គិតៗប្រទេសដែលរីកចំរើនក្នុងអាស៊ីដូចគ្នាដូចជា ជប៉ុន កូរ៉េខាងត្បូង ម៉ាឡេស៊ី ជាដើមគេគិតតែខិតខំធ្វើអោយប្រទេសជាតិគេរីកចំរើនប្រជាជនគេរស់នៅបានសុខសប្បាយ តែប្រជាជនខ្មែរយើងដែលគ្មានមានអ្វីសោះបែរជានិយាយថា “ប៉ុណ្ណឹងបានហើយ ចង់បានអីទៀត”។
Related Articles
- 4 reviews of Phnom Penh, Cambodia (rateitall.com)
- Heading for the trash mountain at Stung Meanchey – Phnom Penh, Cambodia (travelpod.com)
- A near miss – Phnom Penh, Cambodia (travelpod.com)
អូ ក្លាហានមែនដែលហ៊ានសរសេរ មិនខ្លាចសុវត្ថិភាពផ្ទាល់ខ្លួន។ សរសេរបែបន័យកំប្លែងទៀត ល្អអានតើ!!
ពិតជាស្រុកខ្មែរស្នេហ៍ខ្ញុំមែន….. ស្រុកខ្មែរអើយស្រុកខ្មែរ….
មនុស្សយើងបើចូលចិត្តអ្នកណាហើយ រមែកលើកកំពស់អ្នកអ្នកនោះ។
វាជាធម្មតារបស់មនុស្សទៅហើយ។
បើសំដាច់នឿយហត់អត់រយះ៣ទស្សវត្សន៍ សំដាច់គួរតែសម្រាកខ្លះទៅ
អោយអ្នកដទៃគេបានបំពេញតួនាទីម្ដង។
សូមសំដាច់មើលហើយការណ៍របស់ពិភពលោកកំពុងចលាចល បើវង្វេង
តែអំណាចនឹងដូចប្រទេសទាំងនោះជាមិនខាននាពេលអនាគត។
រកប៉ុណ្ណាទៀតបងអើយ! តាំងពីបាតដៃទទេរណា ឥឡូវជំពាក់គេប៉ុន្មានលាន? មិនមែនពួកពូ ពួកអុំ ពួកតាយាយ អ្នកសងទេ គឺពួកខ្ញុំស្រកក្រោយ ឯណេះទេ ដែលជាអ្នករ៉ាប់រង ពួកគាត់ស្លាប់បាត់ទៅ ម្តឹងកើតឯណាផង! តែក៏ប្រហែលមកចាប់កំណើតជាកួនជាក្មួយខ្ញុំ ចាំជួយសងដែរក៏មិនដឹង!
អ្នកគាំទ្រគេថាទាំងបិទភ្នែកថា “មានយួនឯណា” “មានបាត់ដីឯណា” “មានអស់ព្រៃឯណា” តែគាត់និយាយនៅក្នុងផ្ទះ និយាយក្នុងបារូ និយាយនៅកន្លែងខ្លាញ់ គឺប៉ុណ្នឹងបានហើយសម្រាប់គាត់! តែអ្នកដែលបើកភ្នែកនៅខាងក្រៅផ្ទះ អ្នកនៅក្បែរព្រុំដែន អ្នកនៅក្បែរព្រៃ គេបិទភ្នែកមិនជិត!
ស្រុកខ្មែរមានវប្បធម៌បាក់ស្បាតមួយគឺ “អាក្រក់មិនឈ្នះល្អ មានមិនចាញ់ក្រ ធ្វើថ្លង់ធ្វើគ រស់បានយូរ”!
បាត់ដីបាត់ម្តុំណា? ចង្អុលបង្ហាញមើល?
-ទៅសួរលោក ហេង សំរិន ទៅបើសិនចង់ដឹងបាត់ម្តុំណានោះ!
ខ្ញុំឆ្ងល់ ប្រទេសលីប៊ី ប្រជាជន ស្រលាញ់ ហើយមានជាងគេក្នុងចំណោម ប្រទេសមានប្រេង ទីបំផុត ការកាន់តំណែង ផ្តាច់មុខ (ផ្តាច់ការ) ជិត៤ទស្សវត នៅតែប្រជាជនខ្លួនឯង ងើបប្រឆាំង រហូតជិតដល់ដំណាក់កាល សាដាំហ៊ុនសេន ។ ចុះនៅអាស៊ី មានប្រទេសលទ្ឋិប្រជាធិបតេយ្យ ប៉ុន្មាន ដែលកាន់តំណែងយូជាង ២០ឆ្នាំ ? តាំងពី ក្រុមសារ មិត្តភក្ភ ក្រ រហូតដល់មានបាន រាប់ពាន់លានដុល្លា តាំងពី ជិះ អាកម្មង់ការ ឡានអាដំរីទឹក រហូតដល់ ជីះ អាប្រលាំងកាស បាញ់មិនមុត ចុះ មីងពូខ្ញុំ តាំងពីមានដីគេចែកអោយធ្វើស្រែ រហូតលក់ដីទិញម៉ូតូ អោយកូនជិះ បានគ្រាន់នឹងគេ ឥលូវសាំងវាថ្លៃ លក់ម៉ូតូ ចាយអស់ អត់ដីធ្វើស្រែ ទីបំផុតតាំងពីបាតដៃទទេរចេញពីអាពត រហូតដល់ឥលូវ ២០១១ ជំពាក់ ប្រាក់ធានាគារ ហត្ថាកសិករ អេស៊ីលីដា នឹងអ្នកភូមិ ដើរមិនហ៊ានចូលស្រុក ពិតជាអភិវឌ្ឍន៍មែន។
នេះហើយដែលរដ្ឋាភិបាលលោកនាយករដ្ឋមន្ត្រី ហ៊ុន សែន កំពុងតែបោកប្រាស់ប្រជាជនខ្មែរទូទាំងប្រទេសថាប្រទេសយើងអីឡូវមានណាស់ រីកចំរើនណាស់។ វាដូចជាក្នុងគ្រួសារមួយដែលឪពុកម្តាយខ្ចីលុយគេមកទិញកង់ថ្មី ម៉ូតូថ្មី ទូរទស្សន៍ថ្មី ហើយភូតកុហកកូនចៅក្នុងផ្ទះដែលមិនរឿងពិតថា “កូនៗគ្រួសារយើងមានណាស់ គ្រូសារយើងរីកចំរើនណាស់”។
ដូចកម្ពុជាសព្វថ្ងៃដែលមានផ្លូវថ្មី ស្ពានថ្មី សាលារៀនថ្មី តែលុយខ្ចីគេយកមកធ្វើ អញ្ចឹងយើងអាចនិយាយថាយើងជាប្រទេសអ្នកមាន ប្រទេសយើងអស្ចារ្យបានទេ វាមិនអាច? ចំនុចនេះប្រជាជនខ្មែរដែលមើលតែទូរទស្សន៍មើលតែក្រុមស្រី ប្រុស លោតកញ្ឆក់កញ្ឆេងរាំលើឆាកពួកគេមិនដឹងរឿងពិតទេ ព្រោះរឿងពិតទាំងឡាយនោះរដ្ឋាភិបាលនេះមិនអោយផ្សាយអោយអ្នកណាដឹងទេ។ វាអត់មានសារព័តិមានឯករាជ្យដែលនិយាយពីរឿងពិត អញ្ចឹងប្រជាជនទូទាំងប្រទេសលឺតែសំលេង ហ៊ុន សែន និង អ្នកលើកជើង ហ៊ុន សែន ប៉ុណ្ណោះ។
មួយទៀតគេថា “អាថាចេះតែថា.. មិនដែលឃើញធើអីសោះ”
ចុះបើមិនដែលឲ្យអាថាហ្នឹងឡើងធើម្តងផង ឲ្យគ្នាធើអាមិច! គ្នាមានលុយឯណា.. បើអ្នកកាន់រាប់សិបឆ្នាំហើយ ខ្វះអីលុយ? សួរថាផ្លូវស្ពានសាលារាល់ងៃហ្នឹងអ្នកណាធើ គឺបក្សធើ មិនមែនរដ្ឋាភិបាលធើទេ បើមិនចឹងទេឲ្យឧកញ៉ាធើ ហើយដាក់ប៉ារ៉ាស់យកលុយតាហ្មង អស្ចារ្យណាស់ត្រឹមផ្លូវម៉ៃដាមិនបាន១០គីឡូផង ក៏ឲ្យគេធើដាក់ប៉ារ៉ាស់យកលុយដែរ! នេះហើយអភិវឌ្ឍន៍!!! ប្រគល់ដី ប្រគល់បឹង ប្រគល់ព្រៃឲ្យគេធើអស់ កាប់ព្រៃដាំកៅស៊ូ អស្ចារ្យមែន!
ពេលដែលទៅសម្ភោធអ្វីកន្លែងណាមួយ អ្នកភូមិសុំធ្វើនេះធ្វើនោះ លោកនាយករដ្ឋមន្ត្រីខ្មែរងាកទៅក្រោយខ្នងសួររក មើលឯកឧត្តមនេះ មើលឯកឧត្តមនោះអាចរាប់រ៉ងបានទេ? ឯកឧត្តមដែលជារដ្ឋមន្ត្រីអស់ហ្នឹងបានប្រាក់ខែប៉ុន្មានដែររៀងរាល់ខែបានសំបូរលុយម្លេះ? ហើយឯកឧត្តមអស់ហ្នឹងក៏អត់មានបើកហាងលក់បាយ លក់គុយទាវអីដែរ។
អ្នកដែលស្រលាញ់ ហ៊ុន សែន មានពីរក្រុម។ ក្រុមទីមួយពួកអ្នកដេលមានតួនាទីធំៗបានប្រយោជន៍ពីរដ្ឋាភិបាល ហ៊ុន សែន។ ចំនែកក្រុមទីពីរគឺក្រុមស្គាល់តែ ហ៊ុន សែន ស្តាប់តែលោកនាយករដ្ឋមន្ត្រីម្នាក់ហ្នឹងនិយាយអួត បើយកពួកគេចេញផុតតែពីស្រុកទៅប្រទេសក្បែរៗអោយឃើញ ប្រាកដជាអុកគូទជាមិនខាន ព្រោះដឹងខ្លួនថាតាមពិតស្រុកខ្មែរជាប្រទេសក្រជាងគេបំផុតក្នុងតំបន់។ អញ្ចឹងលោក ហ៊ុន សែន ភូតកុហកសោះថាស្រុកខ្មែរអស្ចារ្យសម្បើមនោះ។
ក្រុមទីមួយវាមិនអីទេព្រោះវាបានប្រយោជន៏ច្រើនពីការគាំទ្រហ្នឹង តែក្រុមទីពីរហ្នឹងកង្កែបក្នុងអណ្តូងសុទ្ធ។
តាមពិត ស្រុកយើងមានម៉ូតូច្រើន មិនមែនមកពីហ៊ុនសែនឯណា គឺមកពីប្រជារាស្ត្រគាត់ខំរកស៊ីសន្សំលុយសម្រាប់ទិញ ដោយខ្លួនពួកគាត់ទេ។ ពួកយើងគួរកុំប្រៀបធៀបហ៊ុនសែនទៅនឹងព្រះបាទជ័យវរ្ម័នទី៧អី ប្រយ័ត្នព្រលឹងវិញ្ញាណដូនតាយើងដាក់ទណ្ឌកម្មដល់ពួកយើង។ លោកហ៊ុនសែនមានភាសាស័ព្ទគំរោះគំរើយ មិនស្គាល់ចាស់ទុំ មិនស្គាល់បុណ្យបាប ពេលនិយាយស្តីម្តងៗ គួរអោយដៀលត្មិះ។ ប៉ុន្តែ លោកក៏ជាមនុស្សឆ្លាតដែរ។ ឆ្លាតយ៉ាងម៉េច? ឆ្លាតត្រង់គម្រាមប្រជាជន ដោយមិនសម្លាប់រង្គាលចេញមុខ ដូចកាដាហ្វ៊ី នៅលីបៀរទេ។ ដូច្នេះ គាត់បានសុខរហូត។ ទទួលដំណេក លើគំនរ មាសពេជ្រ កែវកង ដុល្លារ និងវត្ថុប្រណឹតគ្រប់យ៉ាង។ ស្រុកខ្មែរមានហ៊ុនសែនជាក្បាលវ៉ាល់ អាចថាស៊យក៏ថាបាន អាចថាហេងក៏ថាបាន។ ហេងត្រង់គាត់ជារាស្ត្រ មិនមែនស្តេច។
ដីបីហិចតាចិញ្ចឹមមនុស្សមួយគ្រួសាររស់ តែឡានថ្មីមួយមនុស្សមួយគ្រួសារត្រូវវេទនារកលុយចាក់សាំង អញ្ចឹងអ្នកមានជំនាន់លោក ហ៊ុន សែន អ្នកមានជាន់ថ្មីលក់ដីទិញឡាន អនាគតទៅឡានខូច ដីអស់ ក្រដដែល។
ចង់បានអីទៀត? បើហ៊ានតែស្រែកថាចង់បានច្រើនជាងនេះប្រាកដជាបាត់ខ្លួនមិនខាន…ចឹងមានតែនិយាយថា ប៉ុណ្ណឹងវាគ្រប់ហើយ ។
ទទួលស្គាល់ថាខ្លាំងមែន ព្រះថានៅទីណាដែលត្រូវធ្វើការអភិវឌ្ឍន៍ ដែលមានកូនរបស់គាត់នៅពីក្រោយ ទីនោះតែងតែរងទឹក។ បើខ្វះការចូលរួមពីគ្រួសារ ឬសមាជិករបស់អ្នកខ្លាំងរូបនេះ ការអភិវឌ្ឍន៍ទឹកភ្នែកគឺមិនអាចទៅរួចបានឡើយ។
នៅស្រុកខ្មែរ តែប៉ុណ្ណឹង ! ឈឺចាប់ព្រោះបាត់បង់ដី ព្រៃព្រឹក្សា អ្នកស្នេហាជាតិមានប៉ុន្មាននាក់? មិនហ៊ាននិយាយ មិនហ៊ានតវ៉ា ព្រោះសែនខ្លាច អត់បាយក្រហាយទឹកដល់កូន ។ ទ្រាំរស់ក្នុងភក់ជ្រាំ ពេលអ្នកធំមកបានស្អាតៗមួយពេលដែរ ផ្លូវខ្ញុំនេះ !!
មនុស្សខ្មែរកាចសាហាវហួសប្រមាណ សំលាប់តែខ្មែរគ្នាឯងរាប់សតវត្សមកហើយ តាំងពីដឺមានទំហំយ៉ាងធំធេង រហូតនៅដល់ប៉ុនកូនដៃ។
យួន សៀម សំលាប់ខ្មែរយ៉ាងណាក៏មិនងាយបាត់បង់ពូជពង្សខ្មែរដែរ តែខ្មែរសំលាប់ខ្មែរគ្នាឯង គ្មានព្រះណាអាចជួយសង្គ្រោះបាននោះទេ។