អ្នកនយោបាយស៊េរីថ្មីបានសម្តីអន់ចរិត “វគ្គទី ២” 04/04/2011
Posted by ស្រុកខ្មែរ ស្នេហ៍ខ្ញុំ in កំប្លែងជាភាសាខ្មែរ, កំប្លែងរូបភាព, ព័ត៌មានជាតិ.Tags: កំប្លែងរូបភាព, ទស្សនៈ, ព័ត៌មានជាតិ
trackback
ប្រហែលមានអ្នកអាននៅទីនេះមួយចំនួនចងចាំអំពីវីដេអូកំប្លែងមួយ អ្នកនយោបាយ ស៊េរីថ្មីបានសម្តីអន់ចរិត ដែលបានចុះផ្សាយនៅទីនេះក្នុងពេលកន្លងទៅ។ កាលពីពេលថ្មីៗ នេះមិត្តភក្កិរបស់ខ្ញុំម្នាក់ បានបញ្ចូលខ្ញុំទៅក្នុងក្រុមមួយដែលមានឈ្មោះថា “Tomorrow’s Leader” នៅក្នុង Facebook ដែលខ្លួនគាត់ផ្ទាល់ក៏មិនទាំងដឹងថាអ្នកណាគេបញ្ចូលគាត់ទៅក្នុងនោះដែរ តែគាត់និយាយថាអ្នកទីនោះភាគច្រើនចូលចិត្តនិយាយ អំពីនយោបាយ។
ខ្ញុំបានចូលទៅក្នុងនោះអានលេង ហើយចង់ដឹងថាអ្នកទីនោះពួកគេនិយាយអំពីអ្វី មួយសន្ទុះក្រោយទើបខ្ញុំដឹងថានោះជាក្រុមដែលបង្កើតឡើងដោយបរិវាររបស់ “គណបក្សសម្ព័ន្ធដើម្បីប្រជាធិបតេយ្យ” ដែលខ្ញុំតែងតែនិយាយថាអ្នកនយោបាយបានសម្តីអន់ចរិក នោះ។ អ្នកទាំងអស់គ្នាប្រហែលបានស្តាប់លោកម្នាក់ដែលតែងតែស្រែករបៀបសំលេងស្រីជាមួយប្រជាជនតាមតំបន់ផ្សេងៗ ដែលពួកគេនិយាយថាពួកគេចុះដើម្បីកែប្រែ គំនិតប្រជាជន។
អីឡូវចូលដល់សាច់រឿងយើងវិញ កាលបីយប់មិញ ខ្ញុំបានចូលទៅអានលេងម្តងទៀតក្នុងក្រុមនោះ ស្រាប់តែខ្ញុំភ្ញាក់ព្រើតនឹងឃើញការសរសេររបស់ Sora Kingdom Hearts ដែលក្នុងនោះមនុស្សម្នាក់នេះ ហាក់ដូចជាសកម្មជនមួយរូបរបស់គណបក្សខាងលើ នោះ ឆ្លើយតប នូវពាក្យសម្តីមិនសមរម្យមួយទៅប្អូនប្រុស Chhaya Chea សូមមើលរូបខាងក្រោមទាំងពីរផ្ទាំង!
ចំពោះខ្ញុំវាដូចជាអស់សំណើច នឹងពាក្យសំដីរបស់បុគ្គលដែលចូលមកតាំងខ្លួនធ្វើ នយោបាយ ហើយនិយាយថាគណបក្សរបស់គេដើរកែប្រែគំនិតរបស់ប្រជាជន ចង់ជួយជាតិ ស្នេហាប្រទេស ជាដើម តែបើក្រលេកមើល និង ស្តាប់ពាក្យសម្តីរបស់ពួកគេដែលរាប់តាំងពីមេគណបក្សរបស់គេ ខឹម វាសនា អីនោះយើងស្ទើរតែមិនជឿថាពួកគេអាចយកពាក្យសម្តីទាំងអស់នោះ មកនិយាយថាពួកគេធ្វើនយោបាយជួយសង្គ្រោះជាតិមែនទែន ព្រោះតែការនិយាយស្តាប់ទៅដូចមិនមែនអ្នកដែលបានរៀនសូត្រចេញពី សាលារៀនបាន ត្រឹមត្រូវទាល់តែសោះ។ គ្រប់ពាក្យសម្តីពោរពេញដោយការមាក់ងាយ ស្តីសន្ទោស ដៀលតេះត្មាស់ យ៉ាងកំរោលមកលើប្រជាជន មកលើគណបក្សផ្សេង និង មកលើពូជពង្សខ្មែរខ្លួនឯងទៀតផង។ មើលវីដេអូកំប្លែងទាំងនោះ ចុចទីនេះ
Related Articles
- Politics And Human Nature (andrewsullivan.theatlantic.com)
- Human Ingenuity Vs. Nature (ru493.wordpress.com)
- Politics at its Best (usunderground.wordpress.com)
មើលនិងស្តាប់យូរៗទៅ នយោបាយ ដូចជាទឹកស្ទឹងហូរបុកច្រាំង បើយើងក្រលេកមើលច្រាំង ដែលត្រូវទឹកហូរបុក គឺច្បាស់ជាអាណោច អាធមណាស់ តែបើក្រឡេកមើលត្រើយម្ខាងឯណោះវិញ យើងឃើញ មានរុក្ខជាតិខៀវខ្ចី ដុះយ៉ាងស្រស់បំព្រង គួរជាទីគយគន់និងមនោរម្យ តែបើប្រសិនជា យើងធ្វើដំណើរ ទៅអោយឆ្ងាយបន្តិច ទៅខាងក្រោយ គឺច្បាស់ជាឃើញហេតុការណ៍ ប្រហាក់ប្រហែលគ្នានឹង ច្រាំងដែលទឹក ហូរបុកនោះដែរ ! មែនទេ អស់លោក ?
លោកសង្ឃត្រូវតែរៀនសីល បាលី ទន្ទិញទាំងឌុលៗ តែប្រជាជន ចូលចិត្ត ឬ/និង ចេះស្តាប់តែពាក្យសំរាយទេ ! លោកសង្ឃតែ១វត្តចេះសីលបាលី វត្តខ្លះលោកចេះមិនតែទាំងអស់គ្នាផង ! បើមិនចេះធម៌សំរាយយកទៅ ទេសនាអោយប្រជាជនស្តាប់ នរណាគេស្តាប់ចូល! អ្នកធ្វើនយោបាយ មិនជាអស្ចារ្យក្រៃដល់ថ្នាក់ដើរ តិះដៀលអ្នកផ្សេងទេ មិនថាពួកកាន់អំនាច ឬ ពួកប្រឆាំង ! បើមិនចេះ ធ្វើខ្លួនជាមនុស្សថ្លៃថ្នូរ មិនធ្វើជាមនុស្សអោយគេ គោរព ច្បាស់ជាថ្ងៃណាមួយរលាយទេ ! យកពេលទៅជេរគ្នា អត់ប្រយោជន៏ !
ខ្ញុំកំពុងតែគិតអំពីការនិយាយជាមួយប្រជាជនខ្មែរយើង តើពួកយើងគួរតែនិយាយជាមួយពួកគាត់ដូច សម រង៊្សី រឺ កឹម សុខា រឺ ខឹម វាសនា? ព្រោះជួនកាលគិតដូចជាប្រជាជនខ្មែរយើងស្តាប់ពាក្យពិរោះរួចហើយមកផ្ទះដេកហើយមិនខ្ចីខ្វល់ តែស្តាប់ពាក្យរបស់ ខឹម វាសនា ដៀលកប់ៗមាត់ដល់ពូជជីដូនជីតាប្រហែលជាធ្វើអោយយពួកគាត់ឈឺចាប់ ភ្ញាក់រលឹកខ្លះមិនដឹង?
ជានិច្ចជាកាលតាំងពីខ្មែរធ្លាក់ក្នុងវិបត្តច្រើនជំនាន់មកខ្មែរដូចជាបាក់ស្បាតលែងចង់រវីរវល់ កែគំនិត ឆ្នៃប្រឌិតខ្លួនអោយប្រសើរអីទាំងអស់។ វិធីសាស្ត្រកែប្រែប្រជាជនយើងពិតជាពិបាក។
អ្នកដែលគេចេះវិភាគ គេចេះគិត គេមើលដឹង ស្តាប់យល់ហើយ ! ហើយប្រជាជនធម្មតា គាត់ស្តាប់ពាក្យជេរ តិះដៀល ចូលជាងឬ ពាក្យផ្អែមល្អែមចូលជាង? ថ្ងៃនេះលោកនេះ មកជេរ ស្អែក លោកនោះមក ធ្វើអីមួយអោយគាត់សប្បាយចិត្ត ចឹង គឺគាត់មានទំនោរអ្នកធ្វើអោយគាត់សប្បាយជាងហើយ ! អូ..ប្រហែលមានអ្នក ចូលចិត្តស្តាប់ពាក្យជេរ អសុរសយ៉ាង ! ខ្ញុំមិនហ៊ាននិយាយថាទាំងអស់ទេ ! តែសំរាប់អ្នកនយោបាយស្រុកខ្មែរ ខ្ញុំខ្ជិលខ្វល់ច្រើនណាស់ ពួកគាត់ចង់បានប្រជាប្រិយភាព ចឹងអាចធ្វើបានប៉ុណ្ណា ក៏ចេះតែធ្វើទៅហើយ ! តែអារឿងកុពី ស្ថាននយោបាយបរទេស មក paste នៅនយោបាយស្រុកខ្មែរ ប្រហែលទាល់តែយូរ បានទៅរួច! ហិហិ
មិនទាន់សាក មិនទាន់ដឹង ចំនើយមានតែពីរ “អាច” និង “មិនអាច”។ តែចំពោះអ្នកផ្សេងចង់មកឡើងធ្វើជាអ្នកដឹកនាំជំនួសលោក ហ៊ុន សែន គិតថាមិនជាងាយប៉ុន្មានទេ ទោះតាមផ្លូវត្រង់ រឺ ផ្លូវកាត់ក្តី។ យើងក៏មិនដឹងប្រាកដថាអ្នកថ្មីវាយ៉ាងណា តែយើងនៅតែចង់អោយពួកគេបង្ហាញស្នាដែវាយ៉ាងម៉េចដែរ បើពួកគេមិនកើតទេ ៥ ឆ្នាំក្រោយបោះទំលាក់តែម្តងទៅ។ ខ្ញុំគិតថាអ្នកថ្មីគេនឹងមិនផ្តាច់ការដូចលោក ហ៊ុន សែន នោះទេ។
កាលមួយនោះខ្ញុំក៏បានចូលក្នុងក្រុម “មាតុភូមិខ្មែរ” ក៏ធ្លាប់ឈ្លោះជាមួយនិស្សិតអន់ចរិកម្នាក់ដែរ (សូមមិនបញ្ចេញឈ្មោះសាលា ក្រែងលោខ្មាសគេដោយទាំងសាលាទៀត)និយាយគ្មានសុជីវធម៌ ហៅគេសុទ្ធតែសត្វ ហើយលេងដល់ម៉ែឪគេទៀត! មិននរណាបង្រៀងវាចឹង! អាមួយនេះបើក្លាយជាអ្នកដឹងនាំ រលាយហើយជាតិ សូម្បីតែដឹកនាំកូនក្រុមមួយនឹងក៏គ្មានអាណាស្តាប់ដែរ ព្រោះនិយាយដាក់គេ ដូចនិយាយដាក់ឆ្កែវា sic។ កោតតែនិស្សិតច្បាប់ ហើយអួតថាស្រឡាញ់ជាតិទៀត។
ពួកអស់ហ្នឹងលោក ខឹម វាសនា យកទៅលាងខួរដាក់ខួរថ្មីអស់ហើយ ដូចយួនយកក្មេងខ្មែរទៅលាងខួរហើយបញ្ចូលមកស្រុកខ្មែរវិញ អោយសំលាប់ម៉ែឪបងប្អូនខ្លួនឯងអញ្ចឹង។ លោក ខឹម វាសនា រើសតែពួកក្មេងៗអស់ហ្នឹងទេ យកមកបញ្ចូលខួរថ្មីអោយ ហើយពួកហ្នឹងនិយាយប៉ះមិនបានទេ ប្របាក់ខាំមិដឹងអីទេ។ ពួកហ្នឹងថាស្តាប់ ខឹម វាសនា យូរៗទៅយល់ហើយ ពួកក្មេងៗអស់ហ្នឹងតាំងពីស្តាប់យល់ទៅអញ្ចឹងប៉ាដោយ។
គណបក្សប្រជាជន ជាគណៈបក្សអស់ជម្រើស ជាគណៈបក្សចុងក្រោយ របស់អ្នកនយោបាយមួយចំនួន ដែលអស់ផ្លូវដើរ អស់ផ្លូវហក់លោត របស់គេ ជាគណៈបក្សចុងក្រោយ របស់ពួកគេហើយ មើលទៅ !ប្តូរស្លាប់ ប្តូររស់នៅហ្នឹងហើយ ដូចចាញ់ក៏ស្លាប់ ឈ្នះក៏ស្លាប់ មានតែប្តូរផ្តាច់តស៊ូ បើមិនចឹងទេ ដូចជីវិតគ្មានន័យដែរ ? រឿងសម្តេចហ៊ុន-សែន ដែលគាត់ មានប្រសាសន៍ថា ធ្វើនាយករដ្ឋមន្ត្រីអស់មួយជីវិត ត្រឹមត្រូវហើយ មិនខុសទេ គឺគាត់ប្រហែលគ្មានជម្រើសអីនឹងនិយាយក្រៅពីហ្នឹងទេ ! នេះជាស្ថានការណ៍នយោបាយ ដែលតម្រូវអោយគាត់ហ៊ាននិយាយ យ៉ាងដូច្នេះ ហើយក៏ត្រូវជម្រុញអោយ សមាជិកបក្សប្រជាជនទាំងមូល ធ្វើសេចក្តីសម្រេចចិត្តដូចគាត់ដែរ គោលការណ៍គណៈបក្សរបស់គាត់ ត្រូវតែឈ្នះៗ បើមិនឈ្នះទេ វាមានតែផ្លូវមួយ គឺព្រួយទាំងពូជ ចឹងហើយ ត្រូហ៊ានធ្វើអ្វីៗទាំងអស់ ពីព្រោះថាកង់ប្រវត្តិសាស្ត្រចាំតែ វិលតាមជាន់ ជានិច្ច ដូចឃើញស្រាប់ហើយ តើមកពីមូលហេតុអ្វី ? បើតាមខ្ញុំស្រាវ ជ្រាវ គឺមកពីរចនាសម្ព័ន្ធនយោបាយ ដែលបង្កើតមកសម្រាប់តែ អញ្ចឹង ឯង ។ តើអស់លោកយល់ដូចខ្ញុំទេ ?
លោកនាយករដ្ឋមន្ត្រី ហ៊ុន សែន ដូចជាល្មមគ្រប់គ្រាន់ហើយ គាត់ទទួលបានលាភសក្ការៈច្រើនណាស់មកហើយ ល្មមជួយជាតិកំចាត់ពួកមន្ត្រីក្រោមគាត់ហ្នឹងអោយស្អាតស្អំទៅ នៅប្រឹងសន្សំយកទៅណាទៀត ព្រោះមនុស្សម្នាក់ៗមិនមែនជីវិតអមតៈផង។
ឈប់យ៉ាងម៉េចកើត? លាលែងយ៉ាងម៉េចកើត? ដល់ថ្នាក់នេះហើយ ! ដូចពាក្យប្រដៅមួយឃ្លាថាៈ ឡើងមិនរួច ចុះក៏មិនរួច គូថក្រហ៊ូ ! អាហ្នឹងស្អីគេ ? ពាក្យប្រដៅនេះ កាលខ្ញុំនៅជាកូនសិស្សលោក នាំគ្នាដាក់ ប្រដៅគ្នាលេង បើឆ្លើយរួច មិនអីទេ បើមិនរួចវិញ គេដាក់លក់ហើយ…!
អាហ្នឹងស្អីគេ ខ្ញុំក៏អត់ដឹងដែរ?
សុំទោសខ្ញុំដាក់ខុស ត្រង់ពាក្យ “ឡើងមិនរួច” ទៅជា “ឡើងរួច” វិញ គឺៈ “ឡើងរួច ចុះមិនរួច គូថក្រហ៊ូ!” អាហ្នឹងស្អី ? សុំទោស ចម្លើយវា មិនមែនអាក្រក់ដែរទេ វាមិនមែនជាមនុស្ស ឬជាសត្វឡើយ តែវាជាផ្លែ រុក្ខជាតិ ដែលចេះដើរ ហើយមនុស្សខ្មែរយើង ស្គាល់គ្រប់ៗគ្នា សូម្បីតែ កូនក្មេងក៏ស្គាល់ដែរ តើអាចរកនឹកឃើញទេ ? សូមព្យាយាមរកនឹក មើលមើ !
ល្ពៅ?
រកមើលថាផ្លែអីមានគូថក្រហ៊ូវទៅ ដឹងហើយ!
ល្ពៅដូចជា មិនចេះដើរឡើងទេ ចឹងមិនទាន់ត្រូវទេ សាកមើលទៀត !
ននោង?
ត្រឹមត្រូវ ពូកែមែន ! ចឹងបានន័យថា សម្តេចហ៊ុន-សែន ដូចផ្លែ ននោងឬ? ហើយគណៈបក្សប្រជាជន ប្រើរចនាសម្ព័ន្ធនយោបាយ ដើមននោងឬ?
ប្រព័ន្ធគ្រប់គ្រងប្រទេសកម្ពុជាធ្វើអោយមនុស្សគ្រប់គ្នាគិតតែប្រយោជន៍ខ្លួនឯងមុនគេព្រោះមន្ទីរពេទ្យត្រូវបង់លុយអត់លុយពេទ្យអត់មើលទុកអោយស្លាប់ រឺ ពេទ្យគ្មានប្រសិទ្ធិភាពត្រូវតែទៅព្យាបាលនៅក្រៅប្រទេស (ត្រូវការលុយកាន់តែច្រើន) សាលារៀនត្រូវបង់លុយ និង សូកគ្រូជាប្រចាំតាំងពីសាលាពីតូចដល់មហាវិទ្យាល័យ រកការងារបានត្រូវសូកលុយ ធ្វើធំបានត្រូវមានខ្សែជាមួយអ្នកធំអោយលុយអ្នកធំ ពេលទៅតុលាការត្រូវប្រើលុយទាំងអស់ទោះយើងខុស រឺ ត្រូវ (ស៊ីទាំងសងខាង) ពេលចាស់ទៅរដ្ឋអត់មានទទួលខុសត្រូវ រដ្ឋអត់មានសមត្ថភាពចិញ្ចឹម រឺ ប្រាក់ខែពេលចូលនិវត្តន៍មហាសែនតិចតួច…….
បញ្ហាអស់ទាំងនេះហើយធ្វើអោយគំនិតរបស់ខ្មែរអោយតំលៃ និង កោតសរសើរតែអ្នកមានលុយ មានអំណាច ទោះមានតាមវិធីណាក្តី ដែលនេះវាបានក្លាយទៅជាប្រពៃណី វប្បធម៌មួយទៅហើយក្នុងការលើកជើងអ្នកធំ អ្នកមានលុយ។ មានលុយមានអ្វីទាំងអស់ ទាំងកិត្តយស ទាំងអំណាច ទាំងការគោរពពីជនទូទៅ ក្រាបសំពះលំទោន……អញ្ចឹងអត្តចរិតរបស់ខ្មែរក៏បានក្នុងចូលរួមមួយចំនែកអោយមនុស្សគិតតែប្រយោជន៍ខ្លួនដែរ។ អ្នកក្រមិនហ៊ានទៅអើតផ្ទះអ្នកមានទេ ទោះជាបងប្អូនស្និត ព្រោះតែអ្នកមានតែងតែមើលអ្នកក្រដូចជាសំរាម ចូលមកផ្ទះខ្លួនខ្លាចប្រលាក់កំរាលឥដ្ឋជាដើម…….
រចនាសម័្ពនគ្រប់គ្រង់ប្រទេសខ្មែរត្រូវដូរ ហើយផ្តត់គំនិតខ្មែរខ្លួនឯងក៏ត្រូវដូរដែរ តែត្រូវការជួយពីសង្គមជាអ្នកនាំផ្លូវ បើមិនអញ្ចឹងទេដូចគេថា “ទៀងមិនឈ្នះទាល់”។ ការផ្តាល់ប្តូររបបជាគន្លឹះមួយព្រោះច្រើនឆ្នាំមកនេះរដ្ឋាភិបាលលោក ហ៊ុន សែន អត់បានកែប្រែអ្វីទាំងនេះទាល់តែសោះ មានផ្លូវល្អ ស្ពានល្អ តែប្រជាជននៅតែក្រ ផ្នត់គំនិតរបស់អ្នកដឹកនាំ និង ប្រជាជននៅតែអន់ អញ្ចឹងវាគង់តែក្រដដែល ពេលដែលស្ពានខូច ផ្លូវខូច ហើយត្រូវសងលុយគេវិញ ហើយខ្ចីគេមកធ្វើ រឺ ជួសជុលស្ពាន ថ្នល់ទៀតគេលែងអោយ។
គ្មានអ្វីដែលយើងមិនចេះនោះទេ គ្រាន់តែយើងមិនទាន់ចេះ។ ប្រយោគនេះគឺត្រឹមត្រូវហើយ ។ លើកទឹកចិត្តអោយមនុស្សខិតខំរៀនអ្វីដែល យើងចង់រៀន។ ប៉ុន្តែខ្ញុំពិតជាជឿថា ក្នុងមួយឆាកជិវិតរបស់មនុស្ស មិនអាច ចេះគ្រប់ជំនាញទាំងអស់ទេ។ យើងគួរតែមានជំនាញមួយដ៏ពិតប្រាកដ ដែលយើងស្រឡាញ់។ ប្រយោគមួយបាននិយាយថា ស្វែងរកការងារដែល យើងស្រឡាញ់ក្នុងឆាកជិវិត។
ទ្រឹស្តីមានខុសមានត្រូវ ទោះត្រូវក៏មិនត្រូវគ្រប់ករណីដែរ តែក្នុងការដែលយើងវាយបកទៅទ្រឹស្តីប្រឆាំង យើងគួរតែធ្វើវាឡើងដោយសមរម្យ ថ្លៃថ្នូរ ជាមនុស្ស តែអ្វីដែលគួរអោយភ្ញាក់ផ្អើលអ្នកដែលតាំងខ្លួនជាអ្នកនយោបាយទាំងនោះ វាយបកទៅនឹងទ្រឹស្តីប្រឆាំងរបស់គេទាំងកំរោល និង គ្មានសីលធម៌សូម្បីតែបន្តិច វាគួរអោយសោកស្តាយ និង គួរអាណិតមួយ។ ពួកគេធ្វើបែបនេះ ដើម្បីស្រោចស្រង់ចិត្តដែលពួកគេបាក់ស្រុតដ៏សែនជ្រៅ និង លួងលោមខ្លួនឯងតែប៉ុណ្ណោះ។ ការព្យាបាលចិត្តបែបនេះនឹងមិនមាំទាំនោះទេ វានឹងធ្លាក់ទៅក្រោមវិញជ្រៅជាងមុនទៅទៀត ព្រោះអត់មានអ្នកគាំទ្រ និង ចូលចិត្ត។