វីដេអូចំរៀងបរទេស៖ Katy Perry Medley 22/08/2011
Posted by ស្រុកខ្មែរ ស្នេហ៍ខ្ញុំ in កំសាន្តជាវីដេអូ, វីដេអូចំរៀងបរទេស.Tags: កំសាន្តវីដេអូ, វីដេអូចំរៀងបរទេស, Katy Perry Medley, Olivia Noelle, YouTube
add a comment
-ច្រៀងដោយ Olivia Noelle
និទានបែបអប់រំ៖ បក្សីភ្លោះជាប់គ្នា – Conjoint Birds 22/08/2011
Posted by ស្រុកខ្មែរ ស្នេហ៍ខ្ញុំ in និទានបែបអប់រំ.Tags: ឈ្នានីស, និទានបែបអប់រំ, បក្សីមួយគូ
9 comments
មានកាលយូរលង់ណាស់មកហើយ មានបក្សីមួយគូកើតមកមានដងខ្លួនជាប់គ្នា ពួកគេស្រលាញ់គ្នាខ្លាំងណាស់ ទោះបានចំណីបន្តិចបន្តួចក៏តែងតែចែកគ្នាឆីគ្រប់ពេលវេលា។ ដោយចង់ដឹងក្ដីស្រលាញ់របស់បក្សីទាំងពីរនេះ មានបុរសម្នាក់បានសាកល្បងពួកគេ ដោយចង់ដឹងតើពួកគេស្រលាញ់ និង ទុកចិត្តគ្នាបានប៉ុណ្ណា?
ថ្ងៃមួយបុរសនោះបានដើរទៅក្បែរបក្សីនៅខាងឆ្វេង ហើយអោនក្បាលរបស់គាត់ទៅក្បែរ ត្រចៀករបស់បក្សីនៅខាងឆ្វេងនោះ តែបុរសនោះអត់បាននិយាយអ្វីទាំងអស់។ ក្រោយពេលដែលបុរសនោះដើរចេញទៅ បក្សីខាងស្ដាំបានសួរបក្សីខាងឆ្វេងថា “តើបុរសនោះខ្សឹបនិយាយអ្វីជាមួយ” បក្សីខាងឆ្វេងបានឆ្លើយថា “អត់មាននិយាយអ្វីទេ” ។
នៅថ្ងៃបន្ទាប់មកទៀត បុរសដដែលនោះបានដើរមកក្បែរបក្សីនៅខាងស្ដាំ ហើយអោនក្បាលរបស់គាត់មកក្បែរត្រចៀកបក្សីខាងស្ដាំម្ដង តែគាត់ក៏អត់មាននិយាយអ្វីទាំងអស់។ ពេលបុរសនោះដើរចេញ បក្សីខាងឆ្វេងបានសួរបក្សីខាងស្ដាំថា “តើបុរសនោះនិយាយអ្វីជាមួយនឹងឯង” បក្សីខាងស្ដាំថា “អត់មាននិយាយអ្វីទេ” ហើយបក្សីខាងស្ដាំបានគិតក្នុងចិត្តថា “ទោះបីបុរសនោះនិយាយប្រាប់ក៏យើងមិនប្រាប់ឯងដែរ ព្រោះម្សិលមិញឯងលាក់នឹងអញ“។
ចាប់ពីថ្ងៃនោះមកបក្សីទាំងពីរហាក់មិនសូវចុះសម្រុងនឹងគ្នានោះទេ ពួកគេតែងតែឈ្លោះ ប្រកែកគ្នាអំពីរឿងខ្សឹបនោះជារឿយៗ។ ពីមួយថ្ងៃទៅមួយថ្ងៃជម្លោះកាន់តែរីកធំឡើងៗ ដោយទ្រាំមិនបាន បក្សីទាំងពីរក៏ឈ្លោះខាំគ្នាយកតែឈ្នះរៀងៗខ្លួន ពួកគេបានទធាក់គ្នាយកមួយឈ្នះដៃ ធ្វើអោយខ្លួនប្រាណរបស់ពួកគេទាំងពីរដាច់ចេញពីគ្នា ហើយស្លាប់បាត់បង់ជីវិតក្នុងពេលនោះទៅ។
“ការមិនទុកចិត្តគ្នាជាទ្វារចូលឆ្ពោះទៅកាន់ការបាក់បែក“
Related articles
- Repost៖ Darius ទន្សាយធំជាងគេលើលោក (varychin.com)
- នាំ មិត្តភ័ក្ដិ និង រូបថត ពី Facebook ចូលក្នុង Google+ (varychin.com)
- Repost៖ ទេសចរណ៍ អវកាស ឆ្នាំ ២០១១ (varychin.com)
