អបអរសាទរអ្នកបឹងកក់ 28/06/2012
Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មានជាតិ.Tags: Appellate court, Asia, ក្រុមហ៊ុន ស៊ូកាគូ, ជម្លោះដីធ្លី, បឹងកក់, ពន្ធនាគារ, Cambodia, Phnom Penh, Prison
3 comments
ទីបំផុតដោយសារតែសម្ពាធពីខាងក្រុង និង ខាងក្រៅ លូកដៃច្របាច់ករដ្ឋាភិបាល ដែលយកច្បាប់ទ្រាប់គូទអង្គុយញ៉ាំបាយអ្នកស្រុក បានសំរេចចិត្តសារជាថ្មីម្ដងទៀត ដោយអោយតុលាការដោះលែងអ្នកតវ៉ា ការពារ ដី ផ្ទះសម្បែង របស់ពួកគេនៅបឹងកក់ទាំង ១៣ នាក់ហើយ ដែលកាលពីដំបូងមានដល់ទៅ ១៥ នាក់។ ការរួចចេញពីទ្រុងបិសាចមកខាងក្រៅវិញ មិនដឹងថាពួកគេ (អ្នកតវ៉ានៅបឹងកក់) នៅតែមានចិត្តក្លាហាន រឺ ស្លុតបាត់បង់អស់ស្មារតី នឹងតវ៉ាយ៉ាងណាទៀតនោះទេ? តែទោះយ៉ាងណាសូមជួយអបអរសាទរ ដល់អ្នកទាំង ១៥ នាក់នេះផង ហើយសូមកោតសរសើរ នូវទឹកចិត្តដ៏ក្លាហាននេះ តតាំងនឹងពួកក្រុមអ្នកខ្លាំង ប្រើក្បាច់កូនក្មេងគឺ “ក្បាច់វ៉ៃព្រួត” មានទាហានផង មានប៉ូលិសផង ប៉េ-អឹមផង ក្រុមសន្តិសុខស៊ីឈ្នួលផង និង តុលាការផង។
Related articles
- Appeals court frees Cambodian eviction protesters (miamiherald.com)
- Cambodian court frees 13 women who were jailed for protesting being evicted from their homes (foxnews.com)
- Court Frees 13 Cambodian Land Eviction Protesters (world.time.com)
ព្រះតេជព្រះគុណ លួន សាវ៉ាត ត្រូវការអ្នកជួយ 21/09/2011
Posted by ស្រុកខ្មែរ ស្នេហ៍ខ្ញុំ in ព័ត៌មានជាតិ.Tags: ក្រុមហ៊ុន ស៊ូកាគូ, បដ្ឋនាលិខិត, ព័ត៌មានជាតិ, ព្រះតេជព្រះគុណ លួន សាវ៉ាត, ហ៊ុន សែន, អ្នកបឹងកក់
add a comment
នៅពេលដែលយើងលើកឡើងពីឈ្មោះព្រះតេជព្រះគុណ លួន សាវ៉ាត អ្នកទាំងអស់ប្រាកដជាស្គាល់ថាព្រះអង្គជាអ្នកណា ហើយព្រះអង្គបានធ្វើអ្វីខ្លះ ក្នុងប្រទេសកម្ពុជានាពេលកន្លងមក។ គេថាការពារអ្នកស្នេហាជាតិគឺការពារប្រជាជន រក្សាព្រៃឈើបានមិនភ័យខ្វះអុសដុត តែអ្នកស្នេហាជាតិអីឡូវនេះកំពុងតែមានគ្រោះអាសន្ន ដូច្នេះមានន័យថាប្រជាជនកំពុងជួបគ្រោះភ័យហើយ ដោយសារតែរដ្ឋាភិបាលសព្វថ្ងៃ ដែលជារដ្ឋាភិបាលបម្រើផលប្រយោជន៍អោយឈ្មួញ ទុច្ចរិត បានប្រើប្រាស់អំណាចរបស់ខ្លួន ដើម្បីកម្ចាត់ព្រះតេជព្រះគុណ អោយផុតពី ប្រស្រីភ្នែករបស់ខ្លួន ដោយប្រើប្រាស់មេគណសង្ឃអោយចេញបញ្ជាអោយប្រដេញ ព្រះតេជព្រះគុណចេញពីវត្តអារាម និង មិនអនុញ្ញាតអោយគ្រប់វត្តអារាមទាំងអស់មិនអោយទទួលព្រះអង្គអោយគង់នៅ។
ដូច្នេះថ្ងៃនេះប្លុក “ស្រុកខ្មែរ ស្នេហ៍ខ្ញុំ” សូមនាំស្មារតីអ្នកស្នេហាជាតិ មាតុភូមិ ស្នេហាយុត្តិធម៌ ស្នេហាប្រជាស្លូតត្រង់ ស្នេហាជនជាតិខ្មែរដូចគ្នា អោយចូលរួមអោយបានកាន់តែច្រើនកាន់តែប្រសើរដើម្បីការពារព្រះតេជព្រះគុណ លួន សាវ៉ាត ដោយអ្នកទាំងអស់គ្នាគ្រាន់តែចុះហត្ថលេខាលើបដ្ឋនាលិខិត (Petition) តាមប្រព័ន្ធអ៊ីនធឺណិតដោយ ចុចទីនេះ ចូលទៅបំពេញបដ្ឋនាលិខិតនោះ។
ដោយសង្ឃឹមថារាល់ការចូលរួមរបស់អ្នកទាំងអស់គ្នា នឹងធ្វើអោយរដ្ឋាភិបាលខ្មែរបច្ចុប្បន្ន ពិចារណាឡើងវិញ ដកដៃចេញពីការតាមកម្ចាត់តែប្រជាជនខ្មែរស្លូតត្រង់ ចាត់ការតែអ្នកស្នេហាជាតិ អ្នកការពារប្រជាជន ហើយសូមអោយរដ្ឋាភិបាលមួយនេះ អនុញ្ញាតអោយព្រះតេជព្រះគុណ លួន សាវ៉ាត បានទទួលបានកន្លែងគង់នៅ ក្នុងវត្តអារាមឡើងវិញ ដើម្បីអោយព្រះអង្គអាចបម្រើប្រជាជនខ្មែរបន្តទៅទៀត។
ចូលទៅកាន់គេហទំព័រនោះសូម ចុចទីនេះ
Related articles
- ប្រើ Evernote សំរាប់ អ្នក និយម សរសេរ អត្ថបទ (varychin.com)
- ជួយ អ្នក ក្រីក្រ តាម អ៊ីនធឺណិត (varychin.com)
- សុខភាព៖ 3d មាន ផល អាក្រក់ ចំពោះ ភ្នែក និង ខួរក្បាល (varychin.com)
