យុទ្ធសាស្ត្រថ្មីរបស់ គណបក្ស សង្គ្រោះជាតិ 26/09/2012
Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មានជាតិ.Tags: Asia, កឹម សុខា, គណបក្ស ប្រជាជនកម្ពុជា, គណបក្ស សង្គ្រោះជាតិ, សម រង្ស៊ី, សួន សេរីរដ្ឋា, ហ៊ុន សែន, Cambodia
add a comment
យុទ្ធសាស្ត្រថ្មីមួយរបស់គណបក្សថ្មីគឺ គណបក្ស សង្គ្រោះជាតិ ដែលជាគណបក្សទើបតែច្របាច់បញ្ចូលគ្នារវាង គណបក្ស សិទ្ធិមនុស្ស និង គណបក្ស សម រង្ស៊ី បានបង្ហាញអោយឃើញ ក្នុងពេលថ្មីៗនេះគឺ “ការធ្វើពហិការមិនចូលរួមការបោះឆ្នោតរើសតំណាងរាស្ត្រឆ្នាំ២០១៣”។ យុទ្ធសាស្ត្រថ្មីនេះត្រូវបានគណបក្សថ្មីនេះ ប្រុងនឹងប្រើ ប្រសិនណាជាមិនមានកំណែទម្រង់គណៈកម្មាធិការរៀបចំការបោះឆ្នោតចេញទេ តាមរយៈយុទ្ធសាស្ត្រថ្មីនេះ គណបក្ស សង្គ្រោះជាតិ សង្ឃឹមថាអាចជាការបំភិតបំភ័យមួយ ដល់គណបក្សកាន់អំណាចបាន ព្រោះថាការមិនមានគណបក្សប្រឆាំង ចូលរួមការបោះឆ្នោត ជាការគំរាមកំហែងយ៉ាងសម្បើម ដល់ទៅលទ្ធិប្រជាធិបតេយ្យក្នុងប្រទេសកម្ពុជា។
យើងមិនដឹងថាតើការបំភិតបំភ័យ របស់គណបក្ស សង្គ្រោះជាតិ អាចធ្វើអោយមានការភិតភ័យមែនរឺយ៉ាងណានោះទេ ព្រោះថ្ងៃមុននេះលោក ហ៊ុន សែន បានឆ្លើយតបទៅនឹងការធ្វើពហិការមិនចូលរួមនឹងការបោះឆ្នោត ដោយអោយសមាជិករបស់ខ្លួន ត្រៀមខ្លួនដើម្បីទទួលយកកៅអី ដែលគណបក្ស សង្គ្រោះជាតិ បោះបង់ចោល។
បើសិនជាគណបក្ស សង្គ្រោះជាតិ មិនចូលរួមការបោះឆ្នោតមែន ចុះគណបក្សផ្សេងទៀត តើពួកគេនឹងមិនចូលរួមដែរ? តាមមើលទៅមិនដូច្នេះទេដូចជា គណបក្ស ហ៊្វុនស៊ីនប៉ិច គណបក្ស សម្ព័ន្ធដើម្បីប្រជាធិបតេយ្យ គណបក្ស ខ្មែរឈប់ក្រ…ល…។ អញ្ចឹងបើសិនជាគណបក្សទាំងនោះ នៅតែចូលរួមអញ្ចឹងការធ្វើពហិការរបស់ គណបក្ស សង្គ្រោះជាតិ ហាក់មិនគំរាមកំហែងដល់ គណបក្ស ប្រជាជនកម្ពុជា ខ្លាំងណាស់នោះទេ ព្រោះការបោះឆ្នោតនៅតែជាការបោះឆ្នោតពហុបក្ស។
កាលពីពេលកន្លងទៅលោក សួន សេរីរដ្ឋា ប្រធានអំណាចពលរដ្ឋខ្មែរ តែងតែអំពាវនាវ អោយប្រជាជនកម្ពុជា ធ្វើពហិការមិនចូលរួមការបោះឆ្នោត តែលោក សម រង្ស៊ី បានអំពាវនាវដល់ប្រជាជនខ្មែរទាំងអស់ កុំអោយជឿតាមការឃោសនា របស់អ្នកនយោបាយឡប់ឡិនផ្សេង មិនអោយពួកគេចូលរួមការបោះឆ្នោត តែពេលនេះលោក សម រង្ស៊ី ខ្លួនឯងជាអ្នកមានគំនិត ធ្វើពហិការមិនចូលរួមការបោះឆ្នោត ដោយខ្លួនលោកទៅវិញ។ អញ្ចឹងយើងមើលឃើញថា ជំហានដើរមួយនេះ ជាជំហានដើរបោះតាមក្រោយលោក សួន សេរីរដ្ឋា រឺ ជាជំហានដែលលោក សម រង្ស៊ី បោះជំហាន លើជំហានដែលលោកហាមប្រជាជនមិនអោយបោះដើរកាលពីពេលកន្លងមក។
គិតថាប្រសិនជាការធ្វើពហិការ មិនចូលរួមការបោះឆ្នោត ក្លាយជារឿងពិត នឹងមានការរិះគន់យ៉ាងចាស់ដៃពីសំណាក់ អន្តរជាតិ ប្រទេសជាម្ចាស់អំណោយ អង្គការជាតិ និង អង្គការអន្តរជាតិ ជាមិនខានទៅលើការបោះឆ្នោតឆ្នាំ ២០១៣ ខាងមុខនេះ។ អញ្ចឹងតើ គណបក្ស សង្គ្រោះជាតិ ពិតជាហ៊ានធ្វើពហិការមែនទេ ប្រសិនជា គ-ជ-ប មិនមានការកែទម្រង់? ហើយប្រសិនជា គណបក្ស សង្គ្រោះជាតិ មិនចូលរួមការបោះឆ្នោតមែនតើ គណបក្ស ប្រជាជនកម្ពុជា ហ៊ានបោះឆ្នោតដោយគ្មាន គណបក្ស សង្គ្រោះជាតិ ដែលជាគណបក្សប្រឆាំង ដែលធំជាងគេបំផុតក្នុងប្រទេសមួយនេះទេ?
- Bring on the one-horse race: PM (khamerlogue.wordpress.com)
- Cambodia’s Landless Class (latitude.blogs.nytimes.com)
- Cambodian PM dismisses election boycott (bigpondnews.com)
គណបក្ស សង្គ្រោះជាតិ 21/08/2012
Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មានជាតិ.Tags: កឹម សុខា, គណបក្ស សង្គ្រោះជាតិ, គណបក្សប្រជាជនកម្ពុជា, សម រង្ស៊ី, ហ៊ុន សែន, Cambodia, Head of government, Hun Sen, National Assembly
add a comment
មើលទៅក្រោយពីគណបក្សចំនួនពីរគឺ គណបក្ស សិទ្ធិមនុស្ស និង គណបក្ស សម រង្ស៊ី ច្របាច់បញ្ចូលគ្នា បង្កើតបានគណបក្សថ្មីមួយគឺ “គណបក្ស សង្គ្រោះជាតិ” តើការច្របាច់បញ្ចូលគ្នានេះអាចជាពន្លឺថ្មីនៃក្ដីសង្ឃឹមចាស់ សំរាប់អ្នកទាំងអស់គ្នាទេ? ដើម្បីប្ដូរអ្នកដឹកនាំ ប្ដូររបៀបដឹកនាំ ដែលឃើញមុខមនុស្សដដែលៗ ពូជអ្នកធ្វើធំនៅតែធ្វើធំ ពូជអ្នកមានទ្រព្យនៅតែមានទ្រព្យ ពូជគេរដ្ឋមន្ត្រីនៅតែជាមន្ត្រី ពូជពួកប្លន់គេនៅតែប្លន់គេ ហើយចំណែកពូជអ្នកក្រនៅតែក្រ ទោះខំប្រឹងធ្វើការ រៀនសូត្រចប់សាលាណាក្ដី ព្រោះតែកៅអីមន្ត្រីសំរាប់តែគ្នាគេ មានខ្សែស្រឡាយតែប៉ុណ្ណោះ។
អ្នកទាំងអស់គ្នាឆ្អែតឆ្អន់ ធុញទ្រាន់នឹងពួកប៉ូលីស តុលាការច្របាច់កអ្នក បងប្អូនអ្នកយកលុយដាក់ហោប៉ៅទេ? អ្នកទាំងអស់គ្នាខូចចិត្តទេ ពេលដែលតុលាការប្ដូរសទៅជាខ្មៅ ត្រូវទៅជាខុស តម្រូវអោយអ្នកជាអ្នកជាអ្នកចាញ់ ទោះជាអ្នកមិនមានខុសតែគ្មានលុយសូកប៉ាន់ពួកគេ? អ្នកទាំងអស់គ្នាតូចចិត្តទេ ពេលដែលយួនហូរចូលមកនៅក្រុងខេត្ត ដណ្ដើមការងារទាំងអស់របស់អ្នក? អ្នកទាំងអស់គ្នាពិតជានៅចង់ លឺសំលេងប្រជាជនខ្មែរពិតប្រាកដ ស្រែកទ្រហោយំ ដោយសារតែរដ្ឋាភិបាលនេះអនុញ្ញាតអោយក្រុមហ៊ុនផ្សេងៗ ដណ្ដើមយកដីផ្ទះសម្បែងពួកគេ គ្រប់ពេលវេលាបែបនេះ? អ្នកទាំងអស់គ្នាពិតជាចង់អោយព្រៃឈើ សត្វព្រៃ ត្រី ធនធានធម្មជាតិដែលដូនតារបស់យើងបន្សល់ទុកអោយ ត្រូវបាត់បង់រលីងតែម្ដងក្នុងពេលនេះ?
ខ្ញុំគិតថាបើសិនជាអ្នកទាំងអស់គ្នា ពិតជាស្រលាញ់ប្រទេសជាតិដ៏ផូរផង់នេះ មិនអោយបាត់បង់ទៅមែន អ្នកទាំងអស់គ្នាត្រូវតែបន្តក្ដីសង្ឃឹមរបស់អ្នកបន្តទៀត បោះឆ្នោតទម្លាក់គណបក្សប្រជាជនកម្ពុជា ដឹកនាំសព្វថ្ងៃនេះ ដោយបោះជូនគណបក្សដែលអ្នកទុកចិត្តបាន។ សំណួរមួយអ្នកគួរតែសួរខ្លួនឯង តើក្នុងចំណោមគណបក្សដែលនិយាយថា មានបំណងឡើងមកកែប្រែប្រទេសជាតិទាំងអស់ តើមានគណបក្សណាផ្សេង ដែលអ្នកអាចទុកចិត្តជាង គណបក្ស សង្គ្រោះជាតិ នេះទេ? អ្នកទាំងអស់គ្នានឹងមិនសំលឹងឃើញគណបក្សណាផ្សេងនោះទេ ត្រូវទេ? បើអញ្ចឹងក្នុងនាមខ្ញុំជាប្រជាពលរដ្ឋម្នាក់ដែរ សូមអំពាវនាវអោយអ្នកទាំងអស់គ្នា បោះឆ្នោតជូនគណបក្ស សង្គ្រោះជាតិ ទាំងអស់គ្នា។
សំណួរមួយទៀតថា ចុះបើបោះឆ្នោតអោយ គណបក្ស សង្គ្រោះជាតិ នៅតែខុស មិនមានអ្វីកែប្រែធ្វើយ៉ាងម៉េចទៅ? ចំលើយមួយខ្ញុំជូនដល់អ្នកទាំងអស់គ្នាគឺ បោះអោយគណបក្សណាផ្សេងទៀត នៅក្រោយពេលប្រាំឆ្នាំ ពេលដែលមានការបោះឆ្នោតជ្រើសរើសតំណាងរាស្ត្រម្ដងទៀត។ សូមអ្នកទាំងអស់គ្នាកុំភ័យក្នុងការផ្លាស់ប្ដូរតាមរយៈការបោះឆ្នោតនេះ ព្រោះការផ្លាស់ប្ដូរនេះមិនដូចបញ្ចប់ការដឹកនាំសម្ដេចសីហនុ មកជួបលោក លន់ ណុល ហើយក៏មិនមែនបញ្ចប់របបលោក លន់ ណុល មកជួបលោក ប៉ុល ពត នោះដែរ។
តើអ្នកខ្លាចអ្វីនឹងសាកប្រើរបស់មួយថ្មី បើរបស់ចាស់ប្រើការវាមិនកើត មែនទេ?
Related articles
- Hun Sen is Eminent Hero and Statesman of Cambodia…ម្នាលមោហ៍កំពូល (khamerlogue.wordpress.com)
- ក្រាហ៊្វិក៖ Syria a Year of Deaths Mapped (varychin.com)
- ចំណី ជីវិត៖ ពាក្យ ពិត រែង ស្លែង (varychin.com)
ជជែក៖ ជឿ រឺ មិនជឿលោក សម រង្ស៊ី នឹងចូលស្រុកវិញ? 22/07/2012
Posted by ស្រុកខ្មែរ ស្នេហ៍ខ្ញុំ in ជជែក, ព័ត៌មានជាតិ.Tags: គណបក្ស សម រង្ស៊ី, ប្រទេសកម្ពុជា, សម រង្ស៊ី, ហ៊ុន សែន
add a comment
លឺថាលោក សម រង្ស៊ី ចង់ចូលស្រុកពេលណាក៏បានដែរ តែគ្រាន់តែលោកមិនទាន់ចង់ចូល តែលឺថាលោក សម រង្ស៊ី នឹងចូលមុនពេលបោះឆ្នោតរើសតំណាងរាស្ត្រឆ្នាំ ២០១៣ ខាងមុខនេះ ហើយក៏មានគេដឹងថ្ងៃបរិច្ឆេទ នៃថ្ងៃចូលទៅប្រទេសកម្ពុជាវិញ របស់លោក សម រង្ស៊ី បាត់ទៅហើយ តើអ្នកទាំងអស់គ្នាជឿ រឺ មិនជឿ?
Related articles
- Khmer Rouge – Worse than the Worst (rvampie.wordpress.com)
- Video: Imperfect justice in Cambodia (pbs.org)
- Thailand: More HFMD-hit schools to shut (crofsblogs.typepad.com)
អាថ៌កំបាំងពីក្រោយការគប់គ្រាប់បែក ៣០-មិនា-១៩៩៧ 24/03/2012
Posted by ស្រុកខ្មែរ ស្នេហ៍ខ្ញុំ in ព័ត៌មានជាតិ.Tags: គង់ សំរិទ្ធិ, គណបក្ស សម រង្ស៊ី, គ្រាប់បែកដៃ, ប្រទេសកម្ពុជា, ប្រ៊េស៊ីល, សម រង្ស៊ី, ហ៊ុន សែន
1 comment so far
អាថ៌កំបាំងពីក្រោយការគប់គ្រាប់បែក ៣០-មិនា-១៩៩៧ « ស្រុកខ្មែរ ស្នេហ៍ខ្ញុំ.
Related articles
- Thai FM to visit Cambodia in April on prisoner exchange accord (khamerlogue.wordpress.com)
- Phnom Penh (beyondthepostcard.wordpress.com)
- Silk Island – Koh Dach – Phnom Penh, Cambodia (travelpod.com)
តើ “ជ័យជំនះមួយទៀត” របស់លោក សម រង្ស៊ី នឹងក្លាយទៅជាការពិត? 27/01/2012
Posted by ស្រុកខ្មែរ ស្នេហ៍ខ្ញុំ in ព័ត៌មានជាតិ, ព័ត៌មានដក់ស្រង់.Tags: គណបក្ស សម រង្ស៊ី, តុលាការប្រទេសបារាំង, បណ្ដឹង, ប្រទេសកម្ពុជា, សម រង្ស៊ី, ហ៊ុន សែន
11 comments
តាមគេហទំព័ររបស់ គណបក្ស សម រង្ស៊ី បានចេញសារលិខិតមួយថា តុលាការនៃប្រទេសបារាំង ចាប់ផ្ដើមស៊ើបអង្កេតករណីគប់គ្រាប់បែក សំលាប់មនុស្សកាលពីឆ្នាំ ១៩៩៧ នៅមុខរដ្ឋសភាជាតិចាស់ហើយ។ យើងមិនទាន់ឃើញមានប្រតិកម្មណាមួយពីខាងរដ្ឋាភិបាលរបស់លោក ហ៊ុន សែន នៅឡើយទេរហូតមកដល់ពេលនេះ។
ករណីនេះយើងមិនទាន់ដឹងច្បាស់យ៉ាងណានោះទេ ព្រោះករណីគប់គ្រាប់បែក សំលាប់មនុស្សនេះកើតឡើងក្នុងប្រទេសកម្ពុជា តែបណ្ដឹងធ្វើឡើងក្នុងប្រទេសបារាំងទៅវិញ ដែលយើងមិនទាន់ដឹងថាតើតុលាការប្រទេសបារាំង មានសិទ្ធិអំណាចក្នុងការចាត់ការលើករណីកើតឡើងក្នុងប្រទេសកម្ពុជាបាន រឺ មិនបាននោះទេ? ព្រោះតុលាការប្រទេសបារាំង សំរាប់ប្រទេសបារាំង តុលាការខ្មែរសំរាប់ប្រទេសខ្មែរ តែបើតុលាការអន្តរជាតិនោះទើបយើងដឹងថាមានសិទ្ធិអំណាច ដើម្បីចាត់ការលើគ្រប់ករណីកើតឡើង ទូទាំងសកលលោក ទោះករណីនោះកើតឡើងក្នុងប្រទេសណាក្ដី។
យើងនឹងចាំមើលបន្តទៀតក្នុងករណីនេះថាតើវាជាការពិត រឺ គ្រាន់តែការបង្ហើរសំឡេងតាមខ្យល់ “វាយស្មៅបង្អើលពស់” របស់លោក សម រង្ស៊ី? ព្រោះតាមការអង្កេតពេលចុងក្រោយនេះ ឃើញថាលោក សម រង្ស៊ី មានការបង្អើលម្ដងម្កាល ទីនេះបន្តិច ទីនោះបន្តិច ម្ដងអាមេរិក ម្ដងបារាំង នៅក្រៅប្រទេស ដែលខ្យល់នោះមិនទាន់ឃើញបក់ប៉ើងរសើបសក់លោក ហ៊ុន សែន ម្ដងណាឡើយ។ នៅក្នុងសារលិខិតខាងក្រោមលោកអ្នកនឹងឃើញគាត់សរសេរពាក្យថា “ជ័យជំនះមួយទៀត” ពាក្យនេះចំពោះខ្ញុំគិតថាវាហាក់បីដូចជាលឿនពេក លឿនដល់ថ្នាក់មុនតុលាការបារាំងនោះទៅទៀត។
Related articles
- ជជែក៖ ហេតុអ្វី ត្រូវ បោះឆ្នោត អោយ គណបក្ស សម រង្ស៊ី? (varychin.com)
- បច្ចេកវិទ្យា៖ អ្នក អាច ធ្វើ អោយ ស្រុក ខ្មែរ ធ្លាក់ ព្រិល បាន (varychin.com)
- បច្ចេកវិទ្យា៖ ការពារ គេហទំព័រ និង ប្លក់ របស់ អ្នក (varychin.com)
លោក សម រង្ស៊ី ថាមិនបន្ទន់ឥរិយាបថ 18/10/2011
Posted by ស្រុកខ្មែរ ស្នេហ៍ខ្ញុំ in ព័ត៌មានជាតិ, ព័ត៌មានដក់ស្រង់.Tags: ក្រុងភ្នំពេញ, គណបក្ស សម រង្ស៊ី, រដ្ឋាភិបាលខ្មែរ, សម រង្ស៊ី, ហ៊ុន សែន
2 comments
- ដកស្រង់ចេញពី វិទ្យុអាស៊ីសេរី
មេបក្សប្រឆាំង សម រង្ស៊ី បានបញ្ជាក់ជំហរជាថ្មីនៅថ្ងៃទី១៧ ខែតុលា ឆ្នាំ២០១១ ថា លោកនឹងមិនបន្ទន់ឥរិយាបថ ចំពោះលោកនាយករដ្ឋមន្ត្រី ហ៊ុន សែន ដើម្បីទទួលបានការអនុញ្ញាត ឲ្យលោកវិលត្រឡប់ចូលមកប្រទេសកម្ពុជាវិញ សម្រាប់ការចូលរួមបោះឆ្នោតនៅពេលខាងមុខនោះទេ។
សម រង្ស៊ី៖ «រឿងទាំងអស់នេះណា មិនមែនរឿងផ្ទាល់ខ្លួនទេ។ ដូច្នេះ អត់មានការរឿងដោះដូរ ប្ដូរគ្នាចរចា បន្ទន់ឥរិយាបថ ភរបុគ្គលផ្ទាល់ខ្លួន មិនមែនទេ។ ជារឿងជាតិ។ ដូច្នេះ អត់មានអីមកតថ្លៃ ដូចសួរខ្ញុំរឿងប្ដឹង ហ៊ុន សែន អត់ទេ។ ខ្ញុំប្ដឹងទាល់តែចប់។ ខ្ញុំប្ដឹងទាល់តែគេចាប់ ហ៊ុន សែន។ អត់មានមកចរចាជាមួយ ហ៊ុន សែន ទាល់តែសោះ អត់ត្រូវការទេ។ គឺផ្ដាច់ព្រាត់ណា ទាល់តែគេចាប់ ហ៊ុន សែន ទាល់តែ ហ៊ុន សែន ចុះចេញពីតំណែង បានខ្ញុំគិតតទៅទៀត»។
ប្រធានគណបក្ស សម រង្ស៊ី បានថ្លែងដូច្នេះ នៅក្នុងសន្និសីទវីដេអូមួយពីទីក្រុងប៉ារីស ដើម្បីសំណេះសំណាលជាមួយអ្នកតំណាងរាស្ត្រ មន្ត្រីគណបក្ស សម រង្ស៊ី និងជាការឆ្លើយតបទៅនឹងសំណួររបស់ក្រុមអ្នកយកព័ត៌មាន និងមន្ត្រីសង្គមស៊ីវិលមួយចំនួន នៅទីស្នាក់ការកណ្ដាលនៃគណបក្ស សម រង្ស៊ី នារាជធានីភ្នំពេញ នៅពីថ្ងៃទី១៧ តុលា ឆ្នាំ២០១១។
ប្រធានគណបក្សប្រឆាំងរូបនេះបានអះអាងទៀតថា លោកនឹងបន្តប្ដឹងតបទៅលោក ហ៊ុន សែន វិញ ពីបទឧក្រិដ្ឋប្រឆាំងមនុស្សជាតិ ពាក់ព័ន្ធនឹងការកែនប្រជាពលរដ្ឋខ្មែររាប់ម៉ឺនរាប់សែននាក់ក្នុងយុទ្ធនាការក-៥ នៅទសវត្សរ៍ឆ្នាំ១៩៨០ ដែលបណ្ដាលឲ្យមនុស្សជាច្រើននាក់ស្លាប់ដោយការជាន់មីននិងជំងឺគ្រុនចាញ់។
លោក សម រង្ស៊ី បន្ថែមថា ការបោះឆ្នោតនៅពេលខាងមុខនឹងមិនអាចចាត់ទុកថាជាការបោះឆ្នោតដោយសេរីនិងយុត្តិធម៌បានទេ ដរាបណាគ្មានវត្តមានមេដឹកនាំ គណបក្សប្រឆាំងនៅក្នុងការបោះឆ្នោតនោះ ហើយសហគមន៍អន្តរជាតិ ក៏មិនត្រូវទទួលស្គាល់លទ្ធផលនៃការបោះឆ្នោតនោះដែរ។
ទោះជាយ៉ាងណាក្ដី មិនទាន់មានប្រតិកម្មតបពីប្រមុខរដ្ឋាភិបាល ចំពោះការថ្លែងរបស់មេដឹកនាំគណបក្សប្រឆាំង ដែលបានថ្លែងពីក្រៅប្រទេស នៅថ្ងៃចន្ទ ទី១៧ ខែតុលានៅឡើយទេ៕៚
Related articles
- ជជែក៖ ហេតុអ្វី ត្រូវ បោះឆ្នោត អោយ គណបក្ស សម រង្ស៊ី? (varychin.com)
- Wallpapers៖ សំរាប់ ខែ តុលា ឆ្នាំ ២០១១ (varychin.com)
- Amnesty International សុំ អោយ គេ ចាប់ ខ្លួន លោក ប៊ូស (varychin.com)
ជជែក៖ ហេតុអ្វីត្រូវបោះឆ្នោតអោយគណបក្ស សម រង្ស៊ី? 16/10/2011
Posted by ស្រុកខ្មែរ ស្នេហ៍ខ្ញុំ in ជជែក, ព័ត៌មានជាតិ.Tags: គណបក្ស សម រង្ស៊ី, ជជែក, បោះឆ្នោត, រដ្ឋាភិបាលខ្មែរ, សម រង្ស៊ី
5 comments
ខ្ញុំសូមលើកយកមតិពី មនុស្សចំនួនពីរនាក់ដំបូងមកបង្ហាញ។ អ្នកអាចបញ្ចេញមតិខាងក្រោមបានដោយដាក់ឈ្មោះផ្ទាល់ក៏បាន មិនឈ្មោះផ្ទាល់ក៏បានដើម្បីចូលរួមក្នុង “ជជែក” នេះ ព្រោះយើងចង់បានយោបល់កាន់តែច្រើនកាន់តែប្រសើរ សូមចូលរួមបង្ហាញការយល់ឃើញរបស់អ្នក!
១ – ទោះជាវៃខ្ញុំអោយស្លាប់ ក៏ខ្ញុំបោះឆ្នោតអោយ បក្ស សមរង្ស៊ី ដែរ។ មូលហេតុជាបក្សប្រឆាំង ដែរមានអ្នកគាំទ្រច្រើន (មានកៅអីក្នុងសភាច្រើន) ។ បើបោះអោយ បក្សប្រជាជន មិនខុសពីខ្ញុំយកកាំបិតអា ក ខ្លួនឯងហើយមិនថាអញ្ចឹង។ បើបោះអោយបក្សសិទ្ធិមនុស្សមិនខុសពី ការរត់ប្រណាំមួយដែរគេរត់ជិតដល់ទីហើយ បែរជាទើបតែចាប់ផ្តើមរត់ រត់អញ្ជឹងរត់រកងាប់ស្អី 
២ – បើបោះអោយ បក្សហ៊្វុនស៊ិនប៉ិច ដូចយកអំបិលទៅបាចដាក់ទន្លេទទេៗ (មិនខុសពីនាំគ្នាសុំទាន យកលុយអោយកូនបំផ្លាញ។ បើបោះអោយ សម្ព័ន្ធដើម្បីប្រជាធិបតេយ្យ មិនខុសពីប្រលែងឆ្កែឆ្កួត អោយខាំគេខាំឯងទៅហើយទេអី???
ខ្ញុំក៏បោះអោយគណបក្ស សម រង្ស៊ី ដែរព្រោះខ្ញុំមិនពេញចិត្តការដឹកនាំសព្វថ្ងៃដែលពុករលួយ បក្សពួក ក្រាញ់នឹងអំណាច ភាពខុសគ្នារវាងអ្នកក្រ និង អ្នកមានដូចមេឃ និង ដី។ ចំនួនអ្នកមានចំនួនតែមួយក្ដាប់តូច តែអ្នកក្របើកភ្នែកឃើញគ្រប់ទីកន្លែង។
គណបក្ស សម រង្ស៊ី សន្សំបានអ្នកគាំទ្រអស់ជាច្រើនឆ្នាំនៅតែមិនទាន់គ្រប់គ្រាន់យកឈ្នះ អញ្ចឹងបើយើងងាកចុះងាកឡើង ទៅខាងណេះបន្តិច ខាងនោះបន្តិច កំលាំងក៏នឹងបែកខ្ញែកអស់ លែងមានសន្ទុះសោះ។ អ្នកខ្លះថាគណបក្ស សម រង្ស៊ី មិនល្អចំនុចនេះ ចំនុចនោះ គេបកទៅគាំទ្រគណបក្សថ្មីៗ អញ្ចឹងដូចចាប់ផ្ដើមដើរពីដំបូងមកវិញ។
យើងគ្រប់គ្នាគួរបោះអោយគណបក្ស សម រង្ស៊ី ដែលមានកំលាំងស្រាប់ធ្វើយ៉ាងណាអោយតែផ្ដាច់ឫសពួកកុម្មុយនិស្តចោលសិនទៅ ដើម្បីអោយប្រទេសយើង មានឯករាជ្យលើនីតិទាំងបី នីតិបញ្ញត្តិ នីតិប្រតិបត្តិ នីតិតុលាការ និង ចុងក្រោយមួយទៀតពត៌មានឯករាជ្រដែរ។ អញ្ចឹងបើពេលនោះទោះ សម រង្ស៊ី មិនមែនមនុស្សល្អ ក្បត់ជាតិក៏មិនកើតដែរព្រោះអំណាចទាំងអស់អត់ក្នុងដៃគាត់ គាត់នឹងត្រូវគេទំលាក់ពីនាយករដ្ឋមន្ត្រីដោយសភា និង តុលាការកាត់ទោសគាត់។
នេះហើយជាចំនុចដែលប្រជាជនខ្មែរត្រូវយល់ ហើយកុំខ្លាចក្នុងការផ្លាស់ប្ដូរមេដឹកនាំ និង កុំគិតថាអាក្រូចក៏ដូចអាពោន ព្រោះពេលច្បាប់មិនស្ថិតក្រោមគូទអ្នកមានអំណាច ក្រូចក៏ត្រូវតុលាការចាត់ការ ពោនក៏ត្រូវតុលាការចាត់ការ អោយតែប្រព្រឹត្តរឿងមិនត្រឹមត្រូវតាមច្បាប់។
Related articles
- ទទួល បាន សៀវភៅ ” ចង្កៀង និទាន រឿង ខ្មោច ” របស់ សុខ ចាន់ ផល (learn4khmer.wordpress.com)
- ” វាយោ អគ្គិសនី” ថាមពល ថ្មី សំរាប់ ប្រទេស ជប៉ុន (varychin.com)
- Wallpapers៖ សំរាប់ ខែ តុលា ឆ្នាំ ២០១១ (varychin.com)
