ចំណីជីវិត៖ ពាក្យពិតរែងស្លែង 11/08/2012
Posted by ស្រុកខ្មែរ ស្នេហ៍ខ្ញុំ in ចំណីជីវិត, រឿងផ្ទាល់ខ្លួន, ស្នេហា.Tags: ជិន វ៉ារី, ស្រុកខ្មែរ ស្នេហ៍ខ្ញុំ, អារម្មណ៍, Consciousness, Perception, Phenomenology, Philosophy, Philosophy of Mind, Psychology
add a comment
Related articles
- Meditating on Physical Sensation (badlamaguide.wordpress.com)
- Soul as a Dimension of Experience (realitysandwich.com)
- Why Being Touched Can Inflame Emotions (livescience.com)
ជ័យជំនះមិនដែលធ្លាក់ពីលើមេឃ 10/04/2012
Posted by ស្រុកខ្មែរ ស្នេហ៍ខ្ញុំ in រឿងផ្ទាល់ខ្លួន, សុភមង្គល.Tags: ជិន វ៉ារី, ជ័យជំនះ, ស្រុកខ្មែរ ស្នេហ៍ខ្ញុំ, Cambodia, Phnom Penh
add a comment
ដឹងក្ដីនៅទីជនបទ កម្រនឹងឃើញសូម្បីតែម៉ូតូ ចំណាយពេលវេលារៀងរាល់ថ្ងៃក្រោមកំដៅថ្ងៃឃ្វាលគោ រស់ក្រោមគំនាបគ្រួសារដ៏តឹងតែងមួយជាមួយជីដូនជីតា និង ខ្លួនមានតែម្ដាយ មិនដឹងឪពុកជាអ្នកណា។ ស្នាមរំពាត់សូរ ខ្វាប់ ៗ ៗ រៀងរាល់ថ្ងៃ ពាក្យជេរប្រមាថមើលងាយដ៏ហួសហេតុ ការមិនអាចញ៉ាំតាមការស្រេកឃ្លាន ការលួចស្ករត្នោត នៅក្នុងក្រឡក្នុងចង្ក្រានធ្វើជាបង្អែម ក្មេងប្រុសដែលមានសម្បុរខ្មៅក្រញ៉េះ សំលៀកបំពាក់កខ្វក់ ខ្លួនមានស្បែកដណ្ដប់ឆ្អឹង បានតាំងចិត្តថាថ្ងៃណាមួយ បានចាកចេញពីគុកឥតជញ្ជាំងមួយនោះ នឹងមិនវិលត្រលប់មកវិញជាដាច់ខាត់។
ដោយចៃដន្យធ្លាក់ខ្លួនឈឺជាទម្ងន់ ត្រូវម្ដាយដឹកតាមកង់កញ្ចាស់មួយ មកទីរួមខេត្តដើម្បីព្យាបាល។ ក្រោយពេលជាសះស្បើយ មានកម្លាំងពលំគ្រប់គ្រាន់ បានជម្នះនូវការនាំខ្លួនត្រលប់ទៅកន្លែងដើមវិញបាន ដោយការតតាំង ប្រកែក វែកញែកយ៉ាងលំបាកមួយ រហូតបានសម្រេច ទីបំផុតក៏ស្រែកឡើងទៅក្នុងអាកាសថា “ជោគជ័យ ជោគជ័យ ជោគជ័យហើយ”។
Related articles
- 20th ASEAN Summit – Chairman Hun Sen and his “bald headed doctor”. (alfredmeier.me)
- A Review of the ASEAN Summit in Phnom Penh (dinmerican.wordpress.com)
- Asean summit opens in Phnom Penh (globalnation.inquirer.net)
កំណាព្យ៖ បណ្ដាំចុងក្រោយ 06/04/2012
Posted by ស្រុកខ្មែរ ស្នេហ៍ខ្ញុំ in កំណាព្យភាសាខ្មែរ, កំណាព្យរបស់ខ្ញុំ.Tags: កំណាព្យ, ជិន វ៉ារី, បណ្ដាំចុងក្រោយ, បណ្ដាំឪពុក, ស្រុកខ្មែរ, ស្រុកខ្មែរ ស្នេហ៍ខ្ញុំ
add a comment
-ដោយ៖ ស្រុកខ្មែរ ស្នេហ៍ខ្ញុំ -ថ្ងៃទី ០៦ ខែ មេសា ឆ្នាំ ២០១២
រង្វាន់លើកទឹកចិត្តពីម្ចាស់ទំព័រ “ស្រុកខ្មែរ ស្នេហ៍ខ្ញុំ” 03/04/2012
Posted by ស្រុកខ្មែរ ស្នេហ៍ខ្ញុំ in កំប្លែងជាភាសាខ្មែរ, កំប្លែងរូបភាព, រឿងផ្ទាល់ខ្លួន.Tags: ជិន វ៉ារី, ស្រុកខ្មែរ ស្នេហ៍ខ្ញុំ
49 comments
តាំងតែពីទំព័រ “ស្រុកខ្មែរ ស្នេហ៍ខ្ញុំ” មានវត្តមានលើប្រពន្ធអ៊ីនធឺណិតមក ឃើញថាសន្ទុះនៃការគាំទ្រចំពោះទំព័រមានច្រើនគួរសម ដែលនេះជាការលើកទឹកចិត្តមួយយ៉ាងធំធេង ចំពោះយើងខ្ញុំ ដែលជាអ្នកសរសេរអត្ថបទជាភាសាខ្មែរ។ ថ្ងៃនេះដោយចង់តបស្នងចំពោះទឹកចិត្ត នៃការគាំទ្ររបស់អ្នកអានទាំងអស់គ្នា យើងខ្ញុំបង្កើតអោយមានការជូនរង្វាន់ លើកទឹកចិត្តមួយដល់អ្នកអាន ដោយលោកអ្នកគ្រាន់តែជ្រើសរើសចំលើយមួយយ៉ាងងាយបំផុត នោះអ្នកនឹងអាចមានសំណាងទទួលបានរង្វាន់ជាទឹកប្រាក់ចំនួន ៧០០ ដុល្លារសហរដ្ឋអាមេរិក។
-សំណួរ៖ តើម្ចាស់ទំព័រ “ស្រុកខ្មែរ ស្នេហ៍ខ្ញុំ” ជានរណា? ជ្រើសចំលើយ ចុចទីនេះ
Related articles
- Night Scavengers of Cambodia (oxfordschoolofphotography.wordpress.com)
- Cambodia will now be 3 hours away from PH (globalnation.inquirer.net)
- Aquino arrives in Cambodia for Asean summit (globalnation.inquirer.net)
រឿងផ្ទាល់ខ្លួន៖ ថ្ងៃខួបកំណើតថ្ងៃទី ០៥-០៤-២០១២ 02/04/2012
Posted by ស្រុកខ្មែរ ស្នេហ៍ខ្ញុំ in រឿងផ្ទាល់ខ្លួន, សុភមង្គល, ស្នេហា.Tags: ខួបកំណើត, ជិន វ៉ារី, ស្រុកខ្មែរ ស្នេហ៍ខ្ញុំ
17 comments
ជិតដល់ថ្ងៃកំណើតទៀតហើយគឺថ្ងៃទី ០៥-មេសា-២០១២ នេះខ្ញុំនឹងកើនអាយុបានមួយឆ្នាំទៀតហើយគឺ ៣២ ឆ្នាំ បើកភ្នែកមកក៏ទាញកុំព្យូទ័រឃើញលោកអ៊ំម្នាក់ គាត់ជូនពរថ្ងៃខួបកំណើតរួចជាស្រេចក្នុង ហ្វេសប៊ុក។ អេ…..មិនទាន់ដល់ថ្ងៃទេលោកអ៊ំ តែយ៉ាងណាត្រូវអរគុណហើយ គាត់ជាមនុស្សជាប់ជាចំណាត់ថ្នាក់ទីមួយដែលជូនពរថ្ងៃកំណើតដល់ខ្ញុំបានមុនគេ។
ខួបកំណើតមិត្តភ័ក្ដិ បងប្អូនរបស់ខ្ញុំពួកគេសុំកាដូនេះ សុំកាដូនោះ តែខ្ញុំវិញអត់មានអ្នកសុំនឹងគេទេ និយាយពីក្រុមគ្រួសាររបស់ខ្ញុំ គ្មានអ្នកណាម្នាក់ចាំថាថ្ងៃនោះ ជាថ្ងៃខួបកំណើតខ្ញុំទេ ព្រោះវាមិនមែនជាទម្លាប់ក្រុមគ្រួសារយើងធ្វើពិធីនេះ។
ខ្ញុំជាមនុស្សកម្សត់អញ្ចឹងតាំងតែពីតូចម្ល៉េះ អញ្ចឹងកម្សត់តទៅទៀតក៏មិនអីដែរ តែមើលទៅប្រហែលជាមិនកម្សត់ខ្លាំងប៉ុន្មានដូចកាលពីតូចទេ ដែលថ្ងៃកំណើតរកតែលុយទិញនំបញ្ចុកមួយចានញ៉ាំក៏មិនបានផង “ក្រអីក៏ក្រយ៉ាងនេះ”។ បាត់មុខពីភូមិស្រុកអស់ជាច្រើនឆ្នាំគិតថាបានក្លាយជាអ្នកមាន សេដ្ឋី កុង្សីយ៍ អីនឹងគេហើយ តែការពិតក្រនៅតែក្រដដែល។
មនុស្សម្នាក់នោះប្រាប់ខ្ញុំថា ពេលមានប្ដីចង់មានចង់បាននឹងគេ ហ៊ឺ……ប៉ុន្មានទៅទើបគេហៅថា “មាន” ក្នុងចិត្តរបស់គាត់? ត្រឹមអង្ករមួយកំប៉ុងក្នុងចង្ក្រាន? ត្រឹមលុយមួយម៉ឺនរៀលក្នុងទូរ? ត្រឹមគោមួយនឹមនៅក្រោយផ្ទះ? ត្រឹមស្ពៃប្រាំថ្នាលនៅមាត់ព្រែក ហ៊ើយ…..សំណួរនេះចាក់ស្រេះពេញខួរខ្ញុំហើយ ព្រោះខ្លាចផ្ទាប់ចិត្តគេវាមិនគ្រប់ ហើយគេរត់ចោលយើងបាត់។
តែបើសិនជាប្រុងនឹងទៅចោលយ៉ាងហោចណាស់បង្កើតកូនអោយខ្ញុំ ៤ – ៥ នាក់សិនមកគ្រាន់ប្រលែងលេង និង យំយកទឹកភ្នែកស្រូបបាយ។ “បើបងស្រលាញ់ថ្នាក់ថ្នមអូន អូនម្ដេចទៅចោលបងកើត” នេះជាចំលើយដែលនាងតែងតែប្រាប់ខ្ញុំ ថ្នមក៏ចេះហើយ ថ្នាក់ក៏ចេះដែរ តែខ្លាចដូចពូផាច “ថ្នមអើយថ្នមបីបមបំពេកេងកើយឱរា” ថ្នមដល់ថ្នាក់ដាក់លើឱរា ប្រពន្ធពីរនាក់រត់ចោលគាត់ទាំងពីរ។
ណ្ហើយ….ឈប់និយាយរឿងកំសត់ និយាយរឿងសប្បាយវិញ ជីវិតមនុស្សមានជូរ មានប្រៃខ្លះអញ្ចឹងហើយ ការលំបាកកាន់តែច្រើនស្នេហាយើងកាន់តែមាំទាំ ការលំបាកជាការពិសោធន៍មួយ អោយពួកដឹងថាពួកយើងស្រលាញ់ និង ចេះថែរក្សាគ្នាបានប៉ុណ្ណា “មែនទេអូនសំលាញ់?”៕៚
ស្នេហា៖ អ្នកនៅមានខ្ញុំ 17/03/2012
Posted by ស្រុកខ្មែរ ស្នេហ៍ខ្ញុំ in រឿងផ្ទាល់ខ្លួន, សុភមង្គល, ស្នេហា.Tags: ជិន វ៉ារី, សង្សារខ្ញុំ, ស្នេហា, ស្រុកខ្មែរ ស្នេហ៍ខ្ញុំ, អ្នកនៅមានខ្ញុំ
add a comment
អ្នកអង្វរចិត្តខ្ញុំអោយអនុគ្រោះអោយមនុស្សម្នាក់នោះ អង្វរចិត្តខ្ញុំថាឈប់ខឹងនឹងមនុស្សម្នាក់នោះទៅ អ្នកក៏អនុគ្រោះអោយគេម្នាក់នោះដែរដោយយក “កម្មផល” មកនិយាយ អ្នកនិយាយថា “ដោយសារតែអ្នកជំពាក់កម្មមនុស្សម្នាក់នោះពីអតីតជាតិ”។ ការគិតរបស់អ្នកជាការលួងលោមចិត្តមួយយ៉ាងប្រសើរ តែជីវិតរបស់អ្នកគ្មានអ្វីសេសសល់ទេ អ្នកដឹងទេ? ទីបំផុតអ្នកចាញ់សព្វយ៉ាង ជីវិតរបស់អ្នកដូចទឹក ដែលកំពប់ពីស្លឹកឈូក ត្រូវខូចខ្ទេចខ្ទីតែមួយពព្រិចភ្នែក ហើយមិនអាចត្រលប់ទៅរកសភាពដើមវិញបាន ហេតុអ្វីរឿងដ៏អាក្រក់នេះកើតលើមនុស្ស ដែលមានបេះដូងល្អបរិសុទ្ធដូចជាអ្នកទៅវិញ? លើកចុងក្រោយនេះដែលអ្នកចាញ់គឺចាញ់អស់ពីខ្លួន ព្រោះទីបំផុតអ្នកដែលបំផ្លាញជីវិតអ្នកក៏គេចាកចេញពីអ្នកដែរ ដោយបន្សល់ទុកអោយអ្នក នូវអម្រែកដ៏មហាសែនធ្ងន់នៅលើស្មា ដែលអ្នកត្រូវតែទទួលខុសត្រូវគេចវេះមិនបាន។
ហេតុអ្វីបានជាខ្ញុំមិនអាចធ្វើអ្វីបាន ដើម្បីស្រោចស្រង់រឿងអាក្រក់នោះមកល្អវិញដើម្បីអ្នក តែបានត្រឹមតែបន្ធូរចិត្តលើកលែងទោស អោយមនុស្សម្នាក់នោះ តាមសំណូមពររបស់អ្នកតែប៉ុណ្ណោះ? ខ្ញុំខឹងខ្លួនឯង ខឹងថាពេលដែលរឿងអាក្រក់នោះបម្រុងនឹងកើតឡើង រឺ កំពុងតែកើតឡើង តើខ្ញុំនេះនៅឯណា? ហេតុអ្វីបានអោយគេជាន់ឈ្លីអ្នកបានយ៉ាងងាយបែបនេះ?
អ្នកថាអ្នកអនុគ្រោះអោយគេហើយ តែហេតុម្ដេចបានជា ពេលខ្លះអ្នកលួចសម្រក់ទឹកភ្នែក លួចឈឺចិត្ត លួចតូចចិត្តតែម្នាក់ឯងបែបនេះ? អ្នកក៏ស្ដាយជីវិតដ៏ប្រពៃ ស្អាតស្អំរបស់អ្នកតាំងពីកុមារភាពមកដែរមែនទេ ទោះបីជាអ្នកនិយាយថា “ឆាចោលជីវិតក្នុងជាតិនេះក្ដី”? រូបខ្ញុំដែលគ្រាន់តែស្ដាប់រឿងនេះខ្ញុំឈឺចិត្តយ៉ាងនេះទៅហើយ ឈឺចិត្តយ៉ាងខ្មួលខ្មាញ់ ហើយចុះរូបអ្នកដែលឆ្លងកាត់រឿងនោះដោយផ្ទាល់ តើមានការលំបាកលំបិនដល់កំរិតណាទៅ? អ្នកនិយាយទៅថា អ្នកនៅខឹងនឹងមនុស្សម្នាក់នោះ អ្នកនិយាយទៅថា គេពិតជាបំផ្លាញជីវិតរបស់អ្នកមែន ហើយចុងក្រោយផ្ដល់អោយអ្នក នូវជីវិតដែលគ្មានអ្វីទាំងអស់ ល្ហល្ហេវតែម្នាក់ឯងលើផែនដីដ៏មហាធំធេង សូមកុំនិយាយថា អនុគ្រោះ អនុគ្រោះ សូមកុំនិយាយថាអ្នកជំពាក់កម្មគេពីជាតិមុន ព្រោះតែអ្នកមិនចង់ខឹង មិនចង់ឈឺចិត្ត ចង់គេចវេះពីការពិតនេះ ដែលជីវិតរបស់អ្នកត្រូវបានគេបំផ្លិចបំផ្លាញពិតមែន ដោយអ្នកមិនបានធ្វើអ្វីខុស និង អាក្រក់ចំពោះមនុស្សម្នាក់នោះសោះ។
Related articles
- កំសាន្ដ វីដេអូ៖ ពេល មួយ ក្នុង ប្រទេស កម្ពុជា (varychin.com)
- សំអាតបរិស្ថាន (maochamna.wordpress.com)
- រាត្រីមេឃស្រកានាគ(២ចប់ ) (archphkai.wordpress.com)
កិច្ចសម្ភាសទាក់ទងនឹងច្បាប់អាពាហ៍ពិពាហ៍រវាងស្រីខ្មែរជាមួយនឹងបុរសបរទេស 16/12/2011
Posted by ស្រុកខ្មែរ ស្នេហ៍ខ្ញុំ in ព័ត៌មានជាតិ, រឿងផ្ទាល់ខ្លួន.Tags: កិច្ចសម្ភាស, ជិន វ៉ារី, នីម សុង, ផៃ ស៊ីផាន, មួរ សុខហួរ, វិទ្យុអូស្ត្រាលី, សម្ភាស, ស្រុកខ្មែរ ស្នេហ៍ខ្ញុំ
add a comment
“ច្បាប់ថ្មីអំពីអាពាហ៍ពិពាហ៍ស្ត្រីខ្មែរ ជាមួយជនបរទេស” ខ្ញុំបានសរសេរអត្ថបទផ្សាយនៅក្នុងប្លុកនេះទាំងលើកនេះមានចំនួន ៤ ដងរួចមកហើយ ព្រោះខ្ញុំចង់ដឹង និង ចូលក្នុងជម្រៅចិត្តប្រជាជនខ្មែរយើង អោយបានជ្រៅជាងនេះបន្តិច ដូច្នេះខ្ញុំអាចទទួលដឹងថាតើពួកគាត់គិតយ៉ាងដូចម្ដេចដែរ? តែតាមរយៈពេលវេលាកន្លងមកនេះ ប្រធានបទនេះហាក់មិនសូវទទួលចំណាប់អារម្មណ៍ច្រើនសោះ ព្រោះខ្ញុំគិតថាដោយសារ មានបញ្ហាធ្ងន់ធ្ងរផ្សេងទៀតបានកំពុង និង កំពុងតែកើតឡើងក្នុងស្រុកខ្មែរ ដូច្នេះតាមរយៈកិច្ចសម្ភាសមួយជាមួយនឹង វិទ្យុអូស្ត្រាលីអន្តរជាតិ (អូស្ត្រាលីភាសាអង់គ្លេស) ខ្ញុំមិនអាចអោយចំលើយពិតប្រាកដមួយបានទេថា ប្រជាជនខ្មែរ និង អ្នកអានក្នុងប្លក់ខ្ញុំគិតយ៉ាងដូចម្ដេច? ខ្ញុំបានត្រឹមតែនិយាយពាក្យមួយម៉ាត់ថា “ពួកគេមិនប្រាកដក្នុងចិត្តទេថាច្បាប់នេះល្អ រឺ មិនល្អ” ខ្ញុំសុំទោសដែរ ដែលត្រូវនិយាយពាក្យនេះ ព្រោះតែខ្ញុំខ្លួនឯងមិនបានដឹងមែនថា អ្នកទាំងអស់គ្នាគិតយ៉ាងម៉េច។ ក្នុងកិច្ចសម្ភាសនេះក៏មានលោក ផៃ ស៊ីផាន អ្នកនាំពាក្យរបស់រដ្ឋាភិបាលកម្ពុជា និង អ្នកស្រី មួរ សុខហួរ ជាសមាជិករដ្ឋសភា និង កញ្ញា នីម សុង ជាគ្រូបង្រៀនភាសាខ្មែរដល់ជនបរទេស។
ស្ដាប់ផ្ទាល់នៅគេហទំព័ររបស់វិទ្យុអូស្ត្រាលី ចុចទីនេះ
Related articles
- Human Sex Trafficking in Colorado Videos, movies, films, interviews, TV news show facts research police false statistics on sex tourism (coloradosextrafficking.wordpress.com)
- Human trafficking gets attention from Google (cbsnews.com)
- Standing Together Against Human Trafficking: A Successful Evening of Awareness (mstanton822.wordpress.com)
