ព័ត៌មានដកស្រង់៖ ប្រវត្តិសង្ខេបរបស់ អៀង សារី 07/11/2011
Posted by ស្រុកខ្មែរ ស្នេហ៍ខ្ញុំ in ប្រវត្តិសាស្ត្រខ្មែរ, ព័ត៌មានជាតិ, ព័ត៌មានដក់ស្រង់.Tags: ខ្មែរក្រហម, ប៉ុល ពត, ប្រវត្តិសាស្ត្រខ្មែរ, អៀង ធារិទ្ធិ, អៀង សារី
add a comment
ភាគទី ១
ដកស្រង់ចេញពី៖ វិទ្យុបារាំងខេមរភាសា
បន្ទាប់ពី ប៉ុល ពត និង នួន ជា នៅសប្តាហ៍នេះ សេង ឌីណា នឹងលើកយកប្រវត្តិមេដឹកនាំខ្មែរក្រហមមួយរូបទៀត មកជម្រាបជូនលោកអ្នកស្តាប់ គឺ អៀង សារី។ អៀង សារី គឺជាអតីតរដ្ឋមន្រ្តីក្រសួងការបរទេស នៃរបបខ្មែរក្រហម ហើយបច្ចុប្បន្នត្រូវបានតុលាការខ្មែរក្រហម ចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ និងឧក្រិដ្ឋកម្មសង្រ្គាម។ តើ អៀង សារី មានប្រវត្តិយ៉ាងណា?
អៀង សារី គឺជាមេដឹកនាំខ្មែរក្រហមដែលចេញមុខចេញមាត់ជាសាធារណៈច្រើនជាងគេ ព្រោះគាត់គឺជាអ្នកទទួលបន្ទុកកិច្ចការបរទេស។ ចំណែកក្នុងបក្សវិញ អៀង សារី ជាសមាជិកគណៈអចិន្រ្តៃយ៍ ដែលជាស្ថាប័នមានអំណាចកំពូលក្នុងការសម្រេចកិច្ចការនានា ក្នុងអំឡុងរបបកម្ពុជាប្រជាធិបតេយ្យ។ ក្នុងចំណោមមេដឹកនាំជាន់ខ្ពស់ខ្មែរក្រហម អៀង សារី គឺជាមនុស្សស្និទ្ធនឹង ប៉ុល ពត ជាងគេ។ អៀង សារី និង ប៉ុល ពត បានស្គាល់គ្នា និងជាមិត្តភ័ក្តិយ៉ាងជិតស្និទ្ធនឹងគ្នា តាំងពីពេលរៀននៅភ្នំពេញ រហូតបានអាហាររូបករណ៍ទៅរៀន នៅប្រទេសបារាំងជាមួយគ្នា។ ប្រពន្ធរបស់ អៀង សារី និងប្រពន្ធរបស់ ប៉ុល ពត គឺជាបងប្អូនបង្កើតនឹងគ្នា។ ក្រោយពេលវិលត្រឡប់ពីប្រទេសបារាំង ប្តី-ប្រពន្ធ អៀង សារី និង ប៉ុល ពត រស់នៅក្នុងផ្ទះជាមួយគ្នា នៅក្រុងភ្នំពេញ។ ជាទូទៅ អៀង សារី ត្រូវបានគេស្គាល់ថា ជាមេដឹកនាំលំដាប់ទីបី នៃរបបខ្មែរក្រហម បន្ទាប់ពី នួន ជា ដែលជាអនុលេខាបក្ស។
- តើ អៀង សារី ជានរណា?
អៀង សារី មានឈ្មោះកំណើតថា គីម ត្រាង កើតនៅឆ្នាំ១៩២៥ នៅខេត្តត្រាវិញ កម្ពុជាក្រោម។ គីម ត្រាង ត្រូវបានឳពុកម្តាយ ប្តូរឈ្មោះមកជា អៀង សារី នៅពេលមករៀននៅកម្ពុជា ដើម្បីឲ្យមានសូរសៀងជាឈ្មោះខ្មែរ។ អៀង សារី បានបន្ថយអាយុបួនឆ្នាំ ដោយប្តូរឆ្នាំកំណើតពី១៩២៥ មក ១៩២៩វិញ ដើម្បីបានចូលរៀននៅសាលាបឋមសិក្សា។
នៅឆ្នាំ១៩៤៥ អៀង សារី បានចូលរៀននៅវិទ្យាល័យស៊ីសុវត្ថិ នៅទីក្រុងភ្នំពេញ។ អៀង សារី បានប្រឡូកចូលក្នុងនយោបាយ នៅឆ្នាំ១៩៤៦ ដោយបានដឹកនាំក្រុមនិស្សិតប្រឆាំងនឹងអាណានិគមបារាំង។ មួយឆ្នាំក្រោយមក អៀង សារី បានជួបជាមួយ សាឡុត ស ពេលដែល សាឡុត ស បានវិលត្រឡប់ពីអនុវិទ្យាល័យព្រះសីហនុ ខេត្តកំពង់ចាម មករៀននៅសាលាបច្ចេកទេស ហៅ “សាលាដែក” ក្នុងខ័ណ្ឌឫស្សីកែវ។ អៀង សារី និង សាឡុត ស ក៏បានរាប់អានគ្នាជាមិត្តភ័ក្តិយ៉ាងជិតស្និទ្ធ។ យោងតាម លោកកេង វ៉ាន់សាក់ សាឡុត ស និង អៀង សារី បានចូលរួមយ៉ាងសកម្មជួយគណបក្សប្រជាធិបតេយ្យ ក្នុងយុទ្ធនាការឃោសនាបោះឆ្នោត នៅឆ្នាំ១៩៤៧។ (more…)
តុលាការខ្មែរក្រហមហ៊ានជាមួយ ចិន និង យួនទេ? 06/07/2011
Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មានជាតិ.Tags: ខៀវ សំផន, ជា ស៊ីម, តុលាការខ្មែរក្រហម, ទស្សនៈ, នួន ជា, សីហនុ, ហេង សំរិន, ហ៊ុន សែន, អៀង ធារិទ្ធិ, អៀង សារី, Cambodia
4 comments
វាមិនមែនជារឿងគួរអោយភ្ញាក់ផ្អើលនោះទេ នៅពេលដែលលោក ខៀវ សំផន អៀង សារី បានអោយគេស៊ើបអង្កេតអំពីតួនាទីប្រទេស វៀតណាមក្នុងប្រទេស កម្ពុជា មុន និង ក្រោយ និង ក្នុងកំឡុងឆ្នាំ ១៩៧៥ - ១៩៧៩។ វាជារឿងដែលប្រជាជនខ្មែរនិយាយឡើងសឹកបបូរមាត់ទៅហើយ ដែលថាប្រទេសពីរនោះបានលូកដៃយ៉ាងជ្រៅ នៅក្នុងការកាប់សំលាប់ប្រជាជនខ្មែរអស់បីលាននាក់។
- ប្រទេសទីមួយ គឺប្រទេសចិន ដែលជាមិត្តស្និទ្ធស្នាល និង ជាទីកន្លែងដែលសម្ដេច សីហនុ តែងតែសំងំលាក់កាយ ពួនអាត្មា ក្រេបស្រា អោបស្រី បំពេញចំណីកាម តណ្ហារបស់ខ្លួន។
- ប្រទេសទីពីរ គឺប្រទេសយួនដែលត្រូវជាអ្នកមានគុណ និង ជាអ្នកបង្កើតអោយមានគណបក្សប្រជាជនកម្ពុជា ហើយលើកបន្តុបលោក ហ៊ុន សែន ហេង សំរិន និង ជា ស៊ីម ឡើងជាអ្នកដឹកនាំខ្មែរតាំងពីឆ្នាំ ១៩៨០ ដឹកនាំប្រទេសរហូតដុះស្លែ ប្រឡាក់សុទ្ធតែក្អែលពួកកុម្មុយនិស្ត ដុសមិនចេញនោះ។
យើងពិតជាមិនដឹងថាតើការស្នើសុំរបស់លោក ខៀវ សំផន អៀង សារី អស់ហ្នឹងនឹងត្រូវបានតុលាការមួយនេះយកមកស៊ើបអង្កេតដែរទេ? ព្រោះអីគ្រាន់តែបន្តសំណុំរឿង ០០២ នេះតុលាការនេះត្រដាបត្រដួសស្ទើរតែសុំលុយគេ យកមកប្រើប្រាស់មិនបានផង។ ហើយតើតុលាការនេះមានអំណាចធំធាត់គ្រប់គ្រាន់ដើម្បីស៊ើបអង្កេតប្រទេសមហាអំណាច ចិន និង ប្រទេស យួន នេះដែរទេ? បើគ្រាន់តែចង់ដំណើរការសំណុំរឿង ០០៣ ហាក់តទល់នឹងលោកនាយករដ្ឋមន្ត្រី ហ៊ុន សែន ដែលចង់បញ្ចប់បញ្ហាត្រឹម ០០២ នោះមិនបានផងហ្នឹង។
ប្រភពរូបថត ចុចទីនេះ
អ្នកដែលរង់ចាំយុត្តិធម៌ ចាំឡើងម្នាក់ៗហត់នឹងចាំទៅហើយ អ្នករង់ចាំយុត្តិធម៌ខ្លះបានស្លាប់បាត់បង់ជីវិតបណ្ដើរៗ ទាំងមិនទាន់ដឹងថាទីបញ្ចប់គេកាត់ក្តីទៅយ៉ាងណាយ៉ាងណីផង។ តាមមើលទៅទម្រាំចប់រឿងក្តីនេះ ប្រហែលពួកឃាតករទាំងនោះស្លាប់ក្នុងសវនាការផងក៏ មិនដឹង “កាត់ខ្មោចទៅ”។
Related articles
- Khmer Movies (mrmovietimes.com)
- An Education – Siem Reap, Cambodia (travelpod.com)
- Wonderful to be a writer – Siem Reap, Cambodia (travelpod.com)
