jump to navigation

Repost៖ និទាន​បែប​អប់​រំ “ផ្កា​មួយ​ទង” 02/08/2011

Posted by ស្រុកខ្មែរ ស្នេហ៍ខ្ញុំ in និទាន​បែប​អប់រំ​, ប្រលោមលោក.
Tags: , ,
trackback

មាន​ប្រុស​កំលោះ​ម្នាក់​បាន​និយាយ​ទៅ​កាន់​បុរស​វ័យ​ចំណាស់​ម្នាក់​ថា

-កំលោះ​ក្មេង

លោក​អ៊ំ​មាន​អាយុ​ច្រើន​គួរ​សម​ខ្ញុំ​ឆ្ងល់​ថា​ហេតុ​អ្វី​ក៏​លោក​អ៊ំ​មិន​ព្រម​រៀប​ការ​យក​ប្រពន្ធ?

បុរស​ចំណាស់

នេះ​ពិត​ជា​សំនួរ​គួរ​អោយ​ចាប់​អារម្មណ៍​ណាស់​ក្មួយ​ ប៉ុន្តែ​ហេតុ​អ្វី​ក៏​ក្មួយ​មិន​ទាន់​រៀប​ការ ដែរ ក្មួយ​មាន​អាយុ​យ៉ាង​តិច​ក៏ ២៥ ឆ្នាំ​ ក្មួយ​មាន​លុយ មាន​ការងារ​ធ្វើ និង​ រូប​រាង​ក៏​សង្ហា ទៀត?

កំលោះ​ក្មេង

តាម​ការ​ពិត​ក្មួយ​នៅ​មាន​ពេល​វេលា​វែង​ឆ្ងាយ​ទៀត​ដើម្បី​គិត​រឿង​នេះ ព្រោះ​ក្មួយ​នៅ​ក្មេង​តែ​​ក្មួយ​ពិត​ជា​ឆ្ងល់ និង ចង់​ដឹង​រឿង​របស់​លោក​អ៊ំ​ខ្លាំង​ណាស់។

បុរស​ចំណាស់

បើ​ក្មួយ​ចង់​ដឹង​លុះ​ណា​តែ​ក្មួយ​ដើរ​ជុំវិញ​បឹង​នេះ​មួយ​ជុំ​ រក​បេះ​ផ្កា​ណា​ដែល​ស្អាត​ជាង​គេ អោយ​អ៊ំ​មួយ​ទង​មក អ៊ំ​នឹង​រៀប​រាប់​រឿង​រ៉ាវ​គ្រប់​យ៉ាង​អោយ​ក្មួយ​បាន​ជ្រាប។ អ៊ំ​ចាំ​ក្មួយ​នៅ​ទី​នេះ​តែ​ក្មួយ​ត្រូវ​សន្យា​នឹង​អ៊ំ​ថា​មិន​ត្រូវ​ដើរ​បក​ក្រោយ​ជា​ដាច់​ខាត​ណា៎!

————

បុរស​​ក្មេង​នោះ​បាន​ចាក​ចេញ​ទៅ​រក​បេះ​ផ្កា​តាម​មាត់​បឹ​ង​បាត់​ទៅ ព្រោះ​គាត់​ចង់​ដឹង​រឿង រ៉ាវ​ពិត​របស់​បុរស​វ័យ​ចំណាស់​នោះ​ខ្លាំង​ណាស់​មួយ​សន្ទុះ​ក្រោយមក បុរស​វ័យ​​ក្មេង​បាន មក​ដល់​កន្លែង​ដើម​កន្លែង ដែល​គាត់​បាន​សន្យា​ជាមួយ​បុរស​វ័យ​ចំណាស់​ថា​មក​ជួប គាត់​នៅ​ទីនេះ។តែ​វា​ចំលែក​ពន់​ពេក​ក្រៃ​ ព្រោះ​នៅ​តាម​មាត់​បឹង​សំបូរ​ផ្កា​ច្រើន​ណាស់​តែ ក្នុង​ដៃ​បុរស​វ័យក្មេង​គ្មាន​ផ្កា​មួយ​ទង​មក​ជាមួយ​សោះ (មក​ដោយ​បាត​ដៃ​ទទេ)។

បុរសចំណាស់

អេ, ឯណា​ផ្កា​មួយ​ទង​ដែល​ក្មួយ​ទៅ​បេះ​អោយ​អ៊ំ​នោះ?

កំលោះ​ក្មេង

តាម​ការ​ពិត​ខ្ញុំ​បាន​ឃើញ​ផ្កា​ស្អាត​ៗ​ជា​ច្រើន​ តាម​ដង​ផ្លូវ​ខ្ញុំ​ឃើញ​មួយ​ហើយ​មួយ​ទៀត​តែ ខ្ញុំ​មិន​បាន​សំរេច​ចិត្ត​ថា​ បេះ​យក​មួយ​ទង​ណា​អោយ​ពិតប្រាកដ​នោះ​ទេ ព្រោះ​ខ្ញុំ​បាន​គិត ថា​នៅ​ខាង​មុខ​នឹង​មាន​ផ្កា​ស្អាត​ៗ​ជាង​នេះ​ត​ទៅ​ទៀត​ជា​មិន​ខាន តែ​ពេល​ដែល​ខ្ញុំ ចាក​ចេញ​ហើយ​ដើរ​បន្ត​ខ្ញុំ​អត់​ឃើញ​មាន​ផ្កា​អោយ​ខ្ញុំ​បេះ​ទៀត​នោះ​ទេ។ ខ្ញុំ​ចង់​បក​ក្រោយ​ទៅ រក​ផ្កា​ដែល​ស្អាត ផ្កា​ដែល​ខ្ញុំ​ដើរ​រំលង​នោះ​ដែរ​ តែ​ខ្ញុំ​បាន​សន្យា​ជា​មួយ​លោក​អ៊ំ​រួច​ហើយ​ថា​មិន​ដើរ​ត្រឡប់​ក្រោយ ហេតុ​ដូច្នេះ​ហើយ​បាន​ជា​ទីបំផុត​ខ្ញុំ​រក​ផ្កា​មួយ​ទង​មក​ដាក់​ក្នុង ដៃ​មិន​បាន។

យោបល​ដែល​គួរ​ពិចារណា

សូម ​ប្រយ័ត្ន​រឿង​រ៉ាវ​របស់​អ្នក​ជាន់​ដាន​នឹង​រឿង​និទាន​នេះ​សូម​កុំ​យក​ពេល​ វេលា​នៃ​ជីវិត​ដ៏​ខ្លី​របស់​អ្នក ​ទៅ​អង្គុយ​ធ្វើ​ការ​ប្រៀប​ធៀប​ច្រើន ហួស​ កំរិត​រហូត​ដល់​ទី​បញ្ចប់​នៃ​ជីវិត​អ្នក បាន​ត្រឹម​តែ​ដឹង និង សោក​ស្ដាយ​​ផ្កា​ដែល​អ្នក​បាត់​បង់​ ផ្កា​ដែល​អ្នក​គិត​ថា​ “ល្អ​ស្រស់” ហើយ​អ្នក​មិន​អាច​បក​ក្រោយ​ទៅ​បេះ ​យក​មក​បាន​នោះ​​​​ ព្រោះ​ផ្កា​មួយ ទង​នោះ​មិន ប្រាកដ​​ថា​នៅ​ត្រូវ​ការ​អ្នក រឺ ផ្កា​មួយ​ទង​នោះ ​អាច​នឹង​ធ្លាក់​ទៅ​ក្នុង​ដៃ​មនុស្ស​ផ្សេង​ទៅ ហើយ។

ម៉្យាង ​វិញ​ទៀត​ចំពោះ​អ្នក​មាន​ផ្កា​ក្នុង​ដៃ គួរ​ចេះ​ថែ​រក្សា ស្រោច​ទឹក ដាក់​ជី ដើម្បី​អោយ​ផ្កា​របស់​អ្នក​រីក​ស្រស់​បំព្រង ស្គុស​ស្គាយ មាន​ក្លិន​ពិដោរ​ក្រអូប​ឈ្ងុយ​ឈ្ងប់ ជា​ជាង​យក​ភ្នែក និង អារម្មណ៍​ទៅ​សញ្ជឹង​គិត​មើល ​ឃើញ​ផ្កា​របស់ គេ​ផ្សេង​ថា​ល្អ ជាង របស់​ខ្លួន ដែល​ក្នុង​ពេល​តែ​មួយ​ក៏​ប្រហែល​មាន អ្នក​ផ្សេង​បាន​កំពុង​គិត​ ថា​ផ្កា​ក្នុង ​ដៃ​របស់​អ្នក ក៏​ល្អ​ជាង​របស់​គេ​ដែរ។

“ឆ្អែត​ណា​ក៏​មិន​ស្មើ​នឹង​ស្កប់ សុខ​ណា​ក៍​មិន​ស្មើ​នឹង​ស្ងប់”

Related Articles

មតិ»

1. Samady KS - 02/08/2011

ពេញ​ចិត្ត​រឿង​នេះ​ណាស់​

2. ក្រេហ្ស៊ី - 02/08/2011

អរគុណដែលបានរំលឹក! អ៊ិះប៊ិះភ្លេច កាច់ទុកមួយសិន ចាំយ៉ាងម៉េចយ៉ាង ម៉ាទៅដល់មុខចាំកាច់ពីរបីទៀត ទាន់អត់មានអ្នកណាដាក់ល័ក្ខខ័ណ្ឌ។

3. គីមស៊្រុន - 02/08/2011

រឿងនេះមានន៏យអប់រំល្អមែន។

4. ysb8899 - 02/08/2011

វាមិនមែនងាយទេ!

5. monyrinataro - 03/08/2011

ប្រហែលជារើសច្រើនពេកហើយ សំណូមពរខ្ពស់ពេក ថយក៏មិនកើត មានតែទៅមុខចាំតទៅទៀត

6. កែវ ឌីណា - 03/08/2011

ចុះបើកាច់ពីដំបូងទៅ ក្រែងលោទៅមុខទៀតមានអាល្អជាងហ្នឹង មិនស្តាយក្រោយ? ហ៊ឺ!! ពិបាកណាស់ 😦

7. ស្រុកខ្មែរ ស្នេហ៍ខ្ញុំ - 03/08/2011

យក​ប្រពន្ធ និង ប្តី​ដូច​ចាក់​ឆ្នោត​អញ្ចឹង ជ្រើសរើសយក​មួយ​ហើយ​ចាំ​ផ្ទៀង​តើ​ត្រូវ​ រឺ ខុស។ ហើយ​ខុសប្ដី ប្រពន្ធ​ក៏​មិន​ខុស និង ត្រូវ​ដូច​ឆ្នោត​ដែរ បាន​ន័យ​ថា​ខុស​ក៏​មិន​ខុស​​ទទេ​ស្អាត​តែ​ម្ដង ហើយ​ត្រូវ​ក៏​មិន​ត្រូវ​​​តែ​ម្ដង​ដែរ។

មនុស្ស​គ្រប់​គ្នា​សុទ្ធ​តែ​មាន​ចំនុច​ល្អ និង អាក្រក់​ដូច​គ្នា​ តែ​សំខាន់​មនុស្ស​ពីរ​នាក់​អាច​រស់នៅ​ជាមួយ​គ្នា​បាន​អត់ វា​ត្រូវ​តែ​មាន​ចំនុច​ពិសេស​ណាមួយ​ដែល​ធ្វើ​អោយ​មនុស្ស​ពីរ​នាក់​រស់នៅ​ជាមួយ​គ្នា​បាន​អង្វែង​អស់​មួយ​ជីវិត។

ភរិយានិងម្ដាយម្នាក់ - 08/06/2012

Thump up!!!!

ស្រុកខ្មែរ ស្នេហ៍ខ្ញុំ - 08/06/2012

Thanks for the upvote sister!


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: