jump to navigation

ក្បាច់​វាយ​ក្បាល​អង្អែល​ខ្នង​របស់​លោក ហ៊ុន សែន 01/02/2012

Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មាន​ជាតិ.
Tags: , , , , ,
trackback

ក្រោយ​ពេល​ដែល​​ក្រលេក​មើល​ឃើញ​​ថា​សន្ទុះ​នៃ​ការ​គាំទ្រ​ “គណបក្ស សម រង្ស៊ី” កើន​ឡើង​ដល់​ទៅ​​ប្រាំ​ដង ក្នុង​ការ​បោះឆ្នោត​ព្រឹទ្ធសភា​​លោក ហ៊ុន សែន ហាក់​ប្រឹង​ស្ទុះស្ទា​ធ្វើ​​ជា​យក​ចិត្ត​ទុកដាក់​ដល់ សុខទុក្ខ​របស់​ប្រជាជន​​ ដែល​ត្រូវ​រងគ្រោះ​ដោយសារ​ក្រុមហ៊ុន​អភិវឌ្ឍន៍​​ ដែល​កាល​ពី​ថ្មី​ៗ​នេះ​លោក​បាន​ប្រកាស​អោយ​ក្រុមហ៊ុន​​របស់​លោក​ឧកញ៉ា ណា មារឌី បញ្ជូន​ខ្លួន​អ្នក​បាញ់​ប្រហារ​ លើ​ប្រជាពលរដ្ឋ​ក្នុង​ខេត្ត​ក្រចេះ ​ក្នុង​ពេល​កន្លង​ទៅ​នេះ​មក​ផ្ដន្ទាទោស ដែល​នេះ​គេ​ចាត់​ទុក​ថា​ជា “ការ​វាយ​ក្បាល​ អង្អែល​ខ្នង” តែ​ប៉ុណ្ណោះ។ 

ព្រោះ​សកម្មភាព​របស់​លោក ហ៊ុន សែន ពេល​នេះ​ដូច​ជា​លោក​ទើប​ក្រោក​ពី​ដំណេក ដែល​សំឡេង​ស្រែកយំ សម្រែក​ដង្ហោយ​ហៅ​អោយ​ជួយ ​​របស់​ជន​រងគ្រោះ​ខ្មែរ​ស្លូតត្រង់ ស្រែក​ស្ទើរ​បែក​បំពង់ក​ នៅ​ទីក្រុង​ក៏​ដូចជា​ជនបទ​ ក្បែរ​ច្រមុះ ភ្នែក ត្រចៀក​របស់​លោក ហ៊ុន សែន តែ​សំឡេង​នេះ​គ្មាន​ត្រូវ​បាន​​លោក​ចាប់​អារម្មណ៍​ យក​ត្រចៀក​ស្ដាប់​ឡើយ​ដូច​ជា​ករណី​នៅ​បឹងកក់ ករណី​នៅ​បុរី​កីឡា​ យ៉ាង​ថ្មី​ៗ​នេះ​ជាដើម។

យើង​គិត​ថា​សន្តិសុខ​ ដែល​ការពារ​ក្រុមហ៊ុន​អភិវឌ្ឍន៍​កំប៉ិកកំប៉ុក​ប៉ុន្មាន​នាក់​នោះ​ បាញ់​ប្រជាជន​ដោយ​ចិត្ត​ខ្លួន​ឯង? ​”គ្មាន​ផ្លូវ​ទេ” ពួក​នោះ​គ្រាន់​តែ​ធ្វើការ​ដូរ​បាយ​ញ៉ាំ​​មួយ​ពេល​តែ​ប៉ុណ្ណឹង​ឯង សកម្មភាព​បាញ់​ប្រហារ​លើ​ប្រជាពលរដ្ឋ​នោះ​ ប្រាកដ​ជា​​មាន​បញ្ជា​ពី​​ថ្នាក់​លើ​ អញ្ចឹង​បើ​លោក ហ៊ុន សែន ពិត​ជា​ចិត្ត​សឿង​ ស្រលាញ់​អាណិត​ប្រជាជន​មែន​​ម្ដេច​ក៏​មិន​អោយ​គេ​ចាប់​លោក ណា ម៉ារាឌី តែ​ម្ដង​ទៅ?

ប្រជាជន​ជា​ទី​ស្នេហា​របស់​ខ្ញុំ​អើយ​ កើត​ជា​មនុស្ស​​មើល​អោយ​បាន​វែង​ឆ្ងាយ​បន្តិច​ទៅ ពួក​ក្រុមហ៊ុន​អភិវឌ្ឍន៍​ទាំង​ឡាយ​នោះ​ ចេញ​ពី​ប្រភព​ណា? តាម​ការ​ពិត​ពួក​ហ្នឹង​ចេញ​ពី​ក្រុម​លោក ហ៊ុន សែន តែ​មួយ​ទេ ពួក​ហ្នឹង​ហើយ​ដែល​​​ធ្វើ​អោយ​លោក​ ហ៊ុន សែន ក្លាយ​ជា​មហា​សេដ្ឋី​​ថ្នាក់​កំពូល ដោយ​ការ​​ឆក់​ ប្លន់ លក់​សម្បត្តិ​ជាតិ​របស់​ប្រជាជន​ខ្មែរ​ទាំង​អស់​គ្នា​នោះ។ ពួក​ក្រុមហ៊ុន​នោះ​អាច​រស់រាន​មាន​ជីវិត​ គឺ​ដោយសារ​តែ​អំណាច​លោក​ ហ៊ុន សែន ការពារ​ជា​រហូត​មក​ហ្នឹង អញ្ចឹង​ហើយ​បាន​ជា​ពួក​ហ្នឹង​ថ្លើម​ពាស​មេឃ ប្រព្រឹត្ត​អំពើ​ឆក់ ប្លន់ បំផ្លាញ​ជាតិ​គ្មាន​ញញើត​ដៃ ភ័យ​ខ្លាច​ចំពោះ​ច្បាប់​ទម្លាប់​បន្តិច​នោះ។

ពួក​ក្រុមហ៊ុន​ទាំង​នោះ​ជា​អ្នក​វាយ​សំពង​ក្បាល​អ្នក​ទាំង​អស់​គ្នា តែ​លោក ហ៊ុន សែន និង ក្រុម​គណបក្ស​ប្រជាជន​កម្ពុជា ជា​អ្នក​ដើរ​អង្អែល​ខ្នង​​ ជាមួយ​នឹង​​ប្រេង​កូឡា​មួយ​ប្រអប់ ក្រមា​មួយ សារុង​មួយ មី​មួយ​កញ្ចប់​ ដូច​ជា​អ្នក​ទាំង​អស់​គ្នា​បាន​ឃើញ​ផ្ទាល់​នឹង​ភ្នែក​អញ្ចឹង​រាល់​ពេល​ដល់​យុទ្ធនាការ​បោះឆ្នោត ​រាល់​ដង​នោះ​អី។ លុយ​អំណោយ​ទាំង​ឡាយ​នោះ​បាន​មក​ពី​ណា​ដែរ? គឺ​បាន​មក​ពី​​អស់​លោក ឧកញ៉ា ម្ចាស់​ក្រុមហ៊ុន​ដែល​ដើរ​ឆក់ ប្លន់ វាយ​ ទាត់​ ធាក់ លក់​ជាតិ​ ហុត​ឈាម អង្កៀម​ឆ្អឹង របស់​យើង​ហ្នឹង​ហើយ។

សូម​កុំ​បណ្ដោយ​ខ្លួន​ អោយ​គេ​បោកប្រាស់​​យើង​ច្រើន​ដង​បាន​ទេ! គេ​បោកប្រាស់​យើង​ម្ដង​យើង​ជេរ​​ពួក​គេ​ថា “ពួក​អា​មនុស្ស​ខូច” គេ​បោកប្រាស់​យើង​ពីរ​​ដង​យើង​អាច​ជេរ​គេ​ថា​ “ពួក​អា​មនុស្ស​​​ខិល” ដល់​ពេល​គេ​បោកប្រាស់​យើង​រឿង​ដដែល​ៗ​លើស​ចំនួន​ដល់​ទៅ​បី​ដង អ្នក​ទាំង​អស់​គ្នា​គួរ​តែ​ឈប់​ជេរ ​ពួក​បោកប្រាស់​ទាំង​នោះ​ទៅ​​ ងាក​មក​​នោម​ហើយ​ឆ្លុះ​មើល​មុខ​ខ្លួន​ឯង​ហើយ​ជេរ​​ខ្លួន​ឯង​វិញ​ថា “ពួក​គំនិត​មិន​កើត ល្ងិតល្ងង់ ភ្លីភ្លើ មាន​ក្រយៅ​តែ​នឹង​ត្រូវ​គេ​បោក”៕៚

Related articles

មតិ»

No comments yet — be the first.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: