jump to navigation

តើ​លោក ម៉ម សូណង់ដូរ រួច​ខ្លួន រឺ ជាប់​គុក? 12/09/2012

Posted by ស្រុកខ្មែរ ស្នេហ៍ខ្ញុំ in ព័ត៌មាន​ជាតិ.
Tags: , , , , ,
trackback

តាម​សម្ដី​ទាហាន​សុំ​មិន​បញ្ចេញ​ឈ្មោះ ដែល​ចុះ​ទៅ​បង្ក្រាប​ប្រជាជន​នៅ​ស្រុក​ឆ្លូង ខេត្ត​ក្រចេះ​នោះ​បាន​លួច​ខ្សឹប​ប្រាប់​ប្រជាជន​ថា ក្រុម​លោក ប៊ុន រដ្ឋា មិនមែន​ជា​អ្នក​បង្កើត​រដ្ឋ​នៅ​ក្នុង​រដ្ឋ​ ដូច​រដ្ឋាភិបាល​ភ្នំពេញ​ចោទ​ប្រកាន់​នោះ​ទេ។ ក្រុម​ទាហាន​ទាំង​នោះ​ថា​ ពួក​គេ​ត្រូវ​ធ្វើតាម​ថ្នាក់​លើ​បញ្ជា​តែ​ប៉ុណ្ណោះ តាម​ការ​ពិត​ក្រុម​លោក ប៊ុន រដ្ឋា មិន​មាន​កំលាំង មិន​មាន​អាវុធ មិន​មាន​ថវិកា​ រហូត​អាច​​ទៅ​បង្កើត​រដ្ឋ​អ្វី​នោះ​ទេ។ ក្រុម​របស់​លោក ប៊ុន រដ្ឋា គ្រាន់​តែ​​ដឹកនាំ​ប្រជាជន អោយ​ចេះ​តវ៉ា​ អោយ​ចេះ​ប្រើ​សិទ្ធិ​របស់​ខ្លួន ក្នុង​នាម​ជា​ពលរដ្ឋ ដែល​ត្រូវ​បាន​ក្រុមហ៊ុន​រំលោភ​យក​ដី​ធ្លី​តែ​ប៉ុណ្ណោះ។

ក្រុម​របស់​លោក ប៊ុន រដ្ឋា ជា​សមាជិក​សមាគម​ប្រជាធិបតេយ្យ ដែល​មាន​លោក ម៉ម សូណង់ដូរ ជា​ប្រធាន ដូច្នេះ​ហើយ​ក្រោយ​ពេល​ការ​បង្ក្រាប​បញ្ចប់​ហើយ រដ្ឋាភិបាល​របស់​លោក ហ៊ុន សែន មិន​បាន​បញ្ចប់​រឿង​នេះ​នៅ​ឡើយ​ទេ ករណី​នេះ​នៅ​តែ​បន្ត​រហូត​ដល់​ឈាន​ដល់​ការ​ចាប់​ខ្លួន​លោក ម៉ម សូណង់ដូរ ដែល​ជា​មនុស្ស​មិន​មាន​ទាក់ទង​នឹង​ករណី​​នេះ​សូម្បី​បន្តិច​ទៅ​វិញ។

ការ​ចាប់​ខ្លួន​លោក ម៉ម សូណង់ដូរ ដោយ​គ្មាន​​សមហេតុសមផល​នេះ ត្រូវ​បាន​គេ​មើល​ឃើញ​ថា​ ជា​ការ​បំបាក់​ស្មារតី​ប្រជាជន ក្នុង​ការ​ចេះ​តស៊ូ​មតិ ក្នុង​ការ​ចេះ​ប្រើប្រាស់​សិទ្ធិ​របស់​ខ្លួន និង ដើម្បី​តែ​កំចាត់​ក្រុម​អ្នក​ប្រជាធិបតេយ្យ​ ដោយ​សារ​សមាគម​ប្រជាធិបតេយ្យ របស់​លោក ម៉ម សូណង់ដូរ មាន​ការ​រីក​ចំរើន កើន​ឡើង​​សមាជិក​របស់​ខ្លួន​ជា​លំដាប់ គាំទ្រ​ដល់​សមាគម​មួយ​នេះ។

ក្រុម​អ្នក​គាំទ្រ​លោក ម៉ម សូណង់ដូរ បាន​ងើប​ឡើង​ទាមទារ​ អោយ​មាន​ការ​ដោះលែង​លោក​មក​វិញ ដោយ​មាន​ទាំង​ស្នាម​មេដៃ​ចំនួន​​ដប់​ម៉ឺន​ផង​ដែរ​ ចែក​ជូន​ដល់​ស្ថានទូត អង្គការ​ផ្សេង​ៗ​ក្នុង​ប្រទេស ដើម្បី​ស្វែងរក​កិច្ច​អន្តរាគមន៍​។ ទោះ​បី​ជា​មាន​សម្ពាធ​ពី​ស្ថានទូត និង អង្គការ​ផ្សេង​ៗ​ក្ដី និង ក្រុម​អ្នក​គាំទ្រ​របស់​លោក​ក្ដី​ តែ​​លោក ម៉ម សូណង់ដូរ នៅ​តែ​ត្រូវ​គេ​បន្ត​ឃុំ​ខ្លួន រហូត​ដល់​ថ្ងៃ​ម្សិលមិញ ថ្ងៃ​ទី ១១ ខែ កញ្ញា ឆ្នាំ ២០១២ នេះ ទើប​គេ​បញ្ជូន​រូប​លោក​មក​តុលាការ​។

នៅ​ថ្ងៃ​បើក​សវនាការ​នេះ រដ្ឋាភិបាល​ភ្នំពេញ​បាន​បិទ​ផ្លូវ ដាក់​កង​ប៉ូលិស ទាហាន ប៉េអឹម យាមល្បាត​យ៉ាង​តឹងរ៉ឹង ហើយ​មិន​តែ​ប៉ុណ្ណោះ​ថែម​ទាំង​​​ហាម​មិន​អោយ​អ្នក​កាសែត អង្គការ​ផ្សេង​ៗ រួម​ទាំង​អង្គការ​សិទ្ធិមនុស្ស ចូល​រួម​តាម​ដាន​អង្កេត​​ក្នុង​សវនាការ​នេះ​ឡើយ។ សវនាការ​​នៅ​ថ្ងៃ​ទី ១១ ខែ កញ្ញា ឆ្នាំ ២០១២ នេះ​ មិន​ទាន់​ចេញ​ជា​លទ្ធផល​ថា​ តុលាការ​នេះ​សម្រេច​ក្ដី​យ៉ាង​ណា​នៅ​​ឡើយ​ទេ ដោយ​នឹង​ធ្វើការ​កាត់​ក្ដី​ម្ដង​ទៀត នៅ​ថ្ងៃ​ទី ១៤ ខែ កញ្ញា ឆ្នាំ ២០១២ ប៉ុន្មាន​ថ្ងៃ​ខាង​មុខ​នេះ នៅ​ថ្ងៃ​ទី ១២ ខែ កញ្ញា ឆ្នាំ ២០១២ ដូច្នេះ​សូម​អ្នក​ទាំង​អស់​គ្នា​រង់ចាំ​តាម​ដាន​ភាគ​បន្ត​ទៀត។

បើ​តាម​អ្នក​វិភាគ​បាន​គិត​ថា​ មូលហេតុ​ដែល​លោក ហ៊ុន សែន ប្រើប្រាស់​តុលាការ​ដើម្បី​ចាត់ការ​លោក ម៉ម សូណង់ដូរ ព្រោះ​តែ​លោក ហ៊ុន សែន ខឹង​សម្បារ​នឹង​លោក ម៉ម សូណង់ដូរ យ៉ាង​ខ្លាំង ដោយសារ​តែ​លោក ម៉ម សូណង់ដូរ បាន​ទៅ​ជួប​​លោក សួន សេរីរដ្ឋា ដែល​ជា​ប្រធាន​ចលនា​​អំណាច​ពលរដ្ឋ​ខ្មែរ​ ដែល​មាន​ទីតាំង​នៅ​សហរដ្ឋ​អាមេរិក ដែល​​ចង់​ផ្ដួល​រំលំ​លោក ហ៊ុន សែន ពី​អំណាច ដោយ​ប្រើ​អំណាច​​ប្រជាជន (អោយ​ប្រជាជន​ងើប​បះបោរ​​ធ្វើ​បដិវត្ត​ដូច​នៅ​ពិភព​អារ៉ាប) លែង​អោយ​ប្រជាជន​ ចូល​រួម​ការ​បោះឆ្នោត លែង​អោយ​ប្រជាជន​គោរព​ច្បាប់ ​ក្នុង​ប្រទេស​​​បន្ត​ទៅ​ទៀត។

  • មើល​រូបភាព​​ផ្សេង​ៗ​ថ្ងៃ​បើក​សវនាការ​លោក ម៉ម សូណង់ដូរ ចុច​ទីនេះ

Related articles

មតិ»

1. វិចូច - 12/09/2012

បើ​ចឹង​ថ្ងៃ​ទី​១៤​ហ្នឹង គេ​បិទ​ផ្លូវ​ម្ដង​ទៀត​ហើយ​មើល​ទៅ។

ស្រុកខ្មែរ ស្នេហ៍ខ្ញុំ - 12/09/2012

មុ​ខ​តែ​អញ្ចឹង​ហើយ។


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: