jump to navigation

បាន​ការ​ពារ: ក្រមុំ​ដេរ 23/06/2014

Posted by ស្រុកខ្មែរ ស្នេហ៍ខ្ញុំ in ទស្សនៈ.
Tags: , ,
បញ្ចូល ពាក្យសំងាត់ របស់អ្នក ដើម្បីមើល រាល់វិចារ។

មាតិកា​នេះ​ត្រូវ​បាន​ការពារ​ដោយ​ពាក្យ​សម្ងាត់។ ដើម្បី​មើល​វា សូម​បញ្ចូល​ពាក្យ​សម្ងាត់​នៅ​ខាង​ក្រោម៖

រូបមន្ត ៥០ + ១ ហ៊ុន សែន ជិះ​សេះ​លែង​ដៃ? 23/01/2014

Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មាន​ជាតិ.
Tags: , , , , ,
add a comment

តាម​ការ​ពិត​ទៅ​បញ្ហា​រាល់​ថ្ងៃ​នេះ​មិនមែន​បញ្ហា ៥០+១ រឺ ២/៣ នោះ​ទេ ដូច​យើង​ឃើញ​រាល់​ថ្ងៃ​នេះ​ ហ៊ុន សែន ប្រើ​រូបមន្ត​ ៥០ + ១ ហើយ​តែ​បញ្ហា​នៅ​តែ​ជាប់​គាំង ហើយ​រដ្ឋាភិបាល​នេះ​ក៏​នៅ តែ​មិន​ស្រប​ច្បាប់ សភា​កើត​ឡើង​ក៏​មិន​ត្រឹមត្រូវ គ្មាន​អ្នក​ចួល​រួម​ស្បថ​ដល់​ចំនួន​យ៉ាង​តិច​ ១២០ រូប​ដដែល នៅ​តែ​ជា​សភា​មិន​ពហុបក្ស។ 

បើ​សិន​ជា​រូបមន្ដ​ ៥០ + ១ ពិត​ជា​ធ្វើ​អោយ​គណបក្ស​ប្រជាជន​ជិះ​សេះ​លែង​ដៃ​ដូច​លោក សុខ ទូច និយាយ​មែន អញ្ចឹង​លោក ហ៊ុន សែន លែង​ដៃ​បាត់​ទៅ​ហើយ មិនមែន​តាម​អង្វរ​ តាម​គម្រាម​អោយ​​គណបក្ស​សង្គ្រោះជាតិ​ចូល​ក្នុង​សភា​នោះ​ទេ។

អីឡូវ​រូបមន្ដ ៥០ + ១ ដែល​លោក ហ៊ុន សែន ថា​លោក សម រង្ស៊ី ថ្វាយ​អំណាច​ដាក់​លើ​ជើង​ពាន​ថ្វាយ​នោះ​ អីឡូវ​ក្រុម​លោក ហ៊ុន សែន ទៅ​ដល់​ណា​ហើយ? ក្រែង​នៅ​គាំង​ស្ដូក​នៅ​ហ្នឹង​ទៅ​មុខ​មិន​រួច​ផង​ហ្នឹង។

អញ្ចឹង​បញ្ហា​ជាប់​គាំង​ថ្ងៃ​នេះ​ព្រោះ​រឿង​អ្វី? បញ្ហា​ជាប់​គាំង​ថ្ងៃ​នេះ ព្រោះ​កើត​ឡើង​ដោយសារ​តែ​ភាព​មិន​ប្រក្រតី​ក្នុង​ការ​បោះឆ្នោត បណ្ដាល​អោយ​គណបក្ស​សង្គ្រោះជាតិ​មិន​ព្រម​ចូល​បង្កើត​រដ្ឋាភិបាល​នេះ មុន​ពេល​ដែល​បញ្ហា​ភាព​កខ្វក់​មិន​ទាន់​បាន​សំអាត​ជា​មុន​សិន។

ទាំង​លោក​ សុខ ទូច ក៏​ដូច​ជា​យើង​មួយ​ចំនួន​ ក៏​ត្រូវ​ដឹង​ដែរ​ថា ប្រទេស​ជាច្រើន​ក្នុង​សកលលោក​នេះ​ ប្រើប្រាស់​ប្រព័ន្ធ ៥០ + ១ ហើយ​បញ្ហា​អត់​មាន​ចោទ អត់​គាំង​ទេ នៅ​ពេល​ដែល​ការ​បោះឆ្នោត​ ប្រព្រឹត្ត​ទៅ​ដោយ​ប្រក្រតី ដោយ​យុត្តិធម៌​ត្រឹមត្រូវ។

ចំណុច​មួយ​ទៀត​ដែល​អ្នក​ទាំង​អស់​គ្នា​ត្រូវ​ដឹង​គឺ​ថា​ អំពី​ច្បាប់​ស្រុក​ខ្មែរ​យើង​ ដែល​មាន​ចែង​ក្នុង​រដ្ឋ​ធម្មនុញ្ញ ទោះ​បី​ជា​ការ​បង្កើត​រដ្ឋាភិបាល​ជាមួយ​នឹង​រូបមន្ត ៥០ + ១ មែន​ តែ​​រូបមន្ត​នេះ​ គេ​អត់​មាន​ប្រើ​ក្នុង​ការ​កែប្រែរដ្ឋធម្មនុញ្ញជាតិ ជាពិសេសការឲ្យសច្ចាប័ន្យ លើសន្ធិសញ្ញា កិច្ចព្រមព្រៀងអន្តរជាតិ​នោះ​ទេ។ អញ្ចឹង​ទោះ​​គណបក្ស​ប្រជាជន​កម្ពុជា​ ថា​ខ្លួន​អាច​បង្កើត​រដ្ឋាភិបាល​បាន​ (ពួក​គេ​និយាយ​ខ្លួន​ឯង) ក៏​តាម​រដ្ឋធម្មនុញ្ញ​ ពួក​គេ​អត់​អាច​​ធ្វើ​អ្វី កែប្រែ​ចំណុច​ទាំង​ប៉ុន្មាន ដែល​ខ្ញុំ​រៀបរាប់​អំបាញ់មិញ​នេះ​ទេ។

សញ្ជាតិ​ពីរ​ជា​មនុស្ស​អាក្រក់? 07/01/2014

Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មាន​ជាតិ.
Tags: , ,
add a comment

ការ​មាន​សញ្ជាតិ​ពីរ ដូច​ជា​មិនមាន​អ្វី​ទាក់ទង​នឹង​ភាព​ជា​មនុស្ស​ល្អ ភាព​ជាអ្នក​ស្រលាញ់​ជាតិ​មាតុភូមិនោះ​ទេ ដូច​ក្នុង​ករណី​ដែល​អ្នក​គាំទ្រ​គណបក្ស​ប្រជាជន​កម្ពុជា​ តែងតែ​ចោទ​ប្រកាន់​ទៅ​លោក​ សម រង្ស៊ី នោះ ការ​ចោទ​គ្នា​ដោយ​ប្រការ​រឿង​សញ្ជាតិ​ពីរ ដើម្បី​បញ្ជាក់​ពី​បុគ្គិល​លក្ខណៈ​មនុស្ស​ម្នាក់ វា​ហាក់​ដូច​ជា​​បញ្ជាក់​ពី​ភាព​ក្មេង​ខ្ចី​មួយ​នៃ​នយោបាយ។ ប៉ុល ពត ឌុច អៀង សារី ខៀវ សំផន អ្នក​ទាំង​នោះ​មាន​សញ្ជាតិ​ប៉ុន្មាន? ហើយ​តើ​ពួក​គេ​ទាំង​នោះ​បាន​បន្សល់​ទុក​អ្វី​ខ្លះ ក្នុង​ប្រវត្តិសាស្ត្រ​ប្រទេស​កម្ពុជា? ហើយ​តើ​សោកនាដកម្ម​ ក្នុង​ប្រវត្តិសាស្ត្រ​ខ្មែរ កាល​មុន និង ក្រោម​ការ​ដឹកនាំ​របស់​លោក ហ៊ុន សែន កើត​ចេញ​ពី​មនុស្ស​សញ្ជាតិ​ពីរ?

បើផ្អែក​តាម​ប្រវត្តិសាស្ត្រ​នៃ​ជីវិត​លោក សម រង្ស៊ី តាម​ដំណាក់​កាល យើង​ចង់​សួរ​ថា​ហេតុអ្វី​បាន​ជា​លោក សម រង្ស៊ី ទទួល​បាន​សញ្ជាតិ​បារាំង? លោក សម រង្ស៊ី ត្រូវ​ចាកចេញ​ពី​ប្រទេស​ខ្លួន ​តាំង​ពី​វ័យ​ក្មេង​សិក្សា​នៅ​ប្រទេស​បារាំង​ ដើម្បី​សិក្សារៀន​សូត្រ ដែល​ខ្លួន​លោក សម រង្ស៊ី កាល​នោះ​មិន​ទាន់​ទាំង​ដឹង​ អ្វី​ជា​នយោបាយ​ស្រុក​ខ្មែរ​ផង។ ការ​ទទួល​​បាន​សញ្ជាតិ​បារាំង​នេះ មិនមែន​ជា​គោល​បំណង​របស់​លោក សម រង្ស៊ី ដើម្បី​លុប​បំបាត់​ឈាម​ជ័រ​ខ្លួន​ជា​ខ្មែរ​នោះ​ទេ តែ​កាលៈទេសៈ​តំរូវ​ តាម​សភាព​ស្រុក​ទេស​តែ​ប៉ុណ្ណោះ មិនមែន​លោក​កំពុង​តែ​ធ្វើ​ការងារ​ក្នុង​ប្រទេស​ដោយ​សុខ​សប្បាយ ហើយ​ទៅ​ចុះ​ឈ្មោះ​សុំ​យក​សញ្ជាតិ​បារាំង​នោះ​ទេ។

លោក សម រង្ស៊ី មិន​ដែល​បាន​កសាង​អ្វី​ទេ បាន​ត្រឹម​តែ​ថា? បើ​និយាយ​ពី​ការ​កសាង​តើ​លោក សម រង្ស៊ី ដែល​មាន​ឱកាស​ជា​អ្នក​ដឹកនាំ​ប្រទេស​មួយ​នេះ​ទេ?​ ការ​បោះ​ជំហ៊ាន​ចូល​ក្នុង​ឆាក​នយោបាយ​ក្នុង​ប្រទេស​កម្ពុជា គឺជា​គោល​បំណង​មួយ​របស់​លោក ដើម្បី​អាច​មាន​ឱកាស​អាច​កសាង​ប្រទេស​ជាតិ​នេះ តែ​អ្នក​ដែល​នៅ​ត្រាំ​ ក្រាញ់​ននៀល​នឹង​អំណាច​​ តែងតែ​ស្វែង​រក​គ្រប់​វិធី​ដើម្បី​រារាំង​ដំណើរ​ចូល​​ទៅ​​កាន់ ​ឱកាស​នៃ​ការ​ដឹកនាំ​ប្រទេស​​របស​លោក សម រង្ស៊ី តាម​គ្រប់​រូប​ដូច​ដែល​មនុស្ស​ទាំង​អស់​គ្នា​បាន​ដឹង។

នៅ​ពេល​ដែល​ខ្លួន​តាម​ព្យាយាម​រារាំង​ ឱកាស​នៃ​លោក សម រង្ស៊ី ក្នុង​ការ​បង្ហាញ​ស្នាដៃ​កសាង​ប្រទេស​ជាតិ​មួយ​នេះ បែរ​ជា​ខ្លួន​ស្រែក​ថា​លោក​ សម រង្ស៊ី មិន​បាន​កសាង​អ្វី​ទាល់​តែ​សោះ​ទៅ​វិញ ដូច​ក្នុង​ពេល​បោះឆ្នោត​កន្លង​ទៅ​ចុង​ឆ្នាំ​ ២០១៣ នេះ​ជាដើម ពួក​គេ​ព្យាយាម​គ្រប់​វិធី​ដើម្បី​អាច​យក​ឈ្នះ​លោក សម រង្ស៊ី ដើម្បី​បង្អាក់​ដំណើរ​ឆ្ពោះ​ទៅ​ដឹកនាំ​កសាង​សង្គម​ជាតិ​មួយ​នេះ។

គុក​ដាក់​មនុស្ស​ល្អ 14/06/2013

Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មាន​ជាតិ.
Tags: , ,
1 comment so far

ទីកន្លែង​​សំរាប់​យក​មនុស្ស​​អាក្រក់​ ដែល​ប្រព្រឹត្ត​អំពើ​អាក្រក់​យក​ទៅ​ដាក់​ទោស យក​ទៅ​កែប្រែ តែ​នៅ​ស្រុក​ខ្មែរ​វិញ​ពន្ធនាគារ​ដាក់​សុទ្ធ​តែ​មនុស្ស​ល្អ អ្នក​ស្នេហា​ជាតិ អ្នក​ការពារ​ប្រជាជន​ ការពារ​ទឹកដី​​ ការពារ​ផ្ទះសម្បែង ស្រែ​ ចំការ​ ដែល​ត្រូវ​គេ​ប្លន់​ទាំង​កណ្ដាល​ថ្ងៃ ហើយ​ទោស​ទាំង​នេះ​សោត​មិន​ដែល​ឃើញ​មាន​ការ​លើកលែង​ដោយ​ព្រះ​មហាក្សត្រ​អី​នោះ​ទេ។

ជាប់​ទោស​ចូល​ទៅ​ពន្ធនាគារ​ នៅ​ប្រទេស​មាន​ច្បាប់​ទម្លាប់​ត្រឹមត្រូវ​ គឺ​ជា​រឿង​ដ៏​មហា “អាម៉ាស់” តែ​​សំរាប់​ព្រះរាជាណាចក្រ​​អច្ឆរិយ​មួយ​នេះ ជាប់​ទោស​គឺ​​ជា​រឿង​ដ៏​​គួរ​អោយ​ស្ញប់ស្ញែង​​មួយ ដែល​​បញ្ជាក់​ថា​ពួក​គេ​​ជា​អ្នក​ក្លាហាន ហ៊ាន​តតាំង​នឹង​មនុស្ស​ថ្លើម​សត្វ​តិរច្ឆាន ដែល​បំពាន​រំលោភ​យក​ដី​ លំនៅឋាន​ ​ហើយ​ក៏​បញ្ជាក់​ថា​ពួក​គេ​អង់អាច​ហ៊ាន​និយាយ​រិះ​គន់ ហ៊ាន​ការពារ​ប្រជាជន ហ៊ាន​រើ​បម្រាស់។ ​​

បើ​និយាយ​ពី​រឿង​ពួក​មនុស្ស​អាក្រក់ ដែល​រក​ចំណូល​តាម​ផ្លូវ​អាក្រក់ ប្រព្រឹត្ត​អាក្រក់​មួយ​លាន​ដង ជួនកាល​ជាប់​ទោស​បាន​តែ​ម្ដង ព្រោះ​បង់​លុយ​ទៅ​ថ្នាក់​លើ​មិន​គ្រប់ ទោះ​ជា​ជាប់​ទោស​មែន​​តែ​យក​លុយ​​មក​បន្ថែម​អោយ​ទៅ​មេ​​​ ដូច្នេះ​ទោស​ទោះ​ក្លាយ​ទៅ​ជា​ “ទោស​ចូល​ផ្លូវ​មុខ​ ចេញ​ផ្លូវ​ក្រោយ”។

“ចោរ​ចិញ្ចឹម​ប៉ូលិស ប៉ូលិស​ការពារ​ចោរ” ពាក្យ​នេះ​មនុស្ស​ក្នុង​ស្រុក​ខ្មែរ​ចំនួន​ ១៤ លាន​នាក់​សុទ្ធ​តែ​ដឹង​គ្រប់​គ្នា ហើយ​អ្នក​ដែល​ដឹង​ច្បាស់​ជាង​គេ​គឺ​ពួក​​មេ​ប៉ូលិស​ ទាហាន​ខ្លួន​ឯង​ហ្នឹង ពួក​មេ​ៗ​ទាំង​នោះ​ថា “កុំ​ទៅ​ភ័យ​បើ​គេ​ចាប់​ ទុក​អោយ​មេ​ជា​អ្នក​ដោះ តែ​បើ​បាញ់​បោះ​ប្រយ័ត្ន​ប៉ះ​ចំ​​កូន​​អញ និង កូន​អ្នក​ធំ​ចាប់​ពី​ផ្កាយ​បួន ដល់​ផ្កាយ​ប្រាំ ព្រោះ​ពួក​ហ្នឹង​សុទ្ធ​តែ​ខ្សែ​សម្ដេច​”។

Related articles

ជជែក៖ ទស្សនៈ​ចំពោះ​អ្នក​ខ្សែ​ចិន​ស្រុក​ខ្មែរ 10/02/2013

Posted by ស្រុកខ្មែរ ស្នេហ៍ខ្ញុំ in ជជែក, ទស្សនៈ.
Tags: , , , ,
1 comment so far

ខាង​ក្រោម​នេះ​ជា​ចំណុច​មួយ​ចំនួន ដែល​មនុស្ស​ជា​ច្រើន​នៅ​ស្រុក​ខ្មែរ​យើង មាន​ទស្សនៈ​ចំពោះ​អ្នក​មាន​សាច់​ឈាម​ជា​ចិន [ខ្សែ​ចិន] ដែល​រស់នៅ​ស្រុក​ខ្មែរ – មិន​មែន​ពួក​ចិន​ ដែល​ទើប​តែ​ចូល​មក​ស្រុក​ខ្មែរ​ផលិត​ថ្នាំ​ញៀន ចាប់​ជំរិត បើក​រោងចក្រ បើក​បនល្បែង​នេះ​ទេ។ ពាក្យ​ទាំង​ឡាយ​នេះ ​ខ្ញុំ​បាន​លឺ​ដោយ​ត្រចៀក​ខ្លួន​ឯង ខុស​ត្រូវ​យ៉ាង​ណា​ខ្ញុំ​មិន​មាន​ផ្ដល់​ទស្សនៈ​បន្ថែម​លើ​ ការ​យល់​ឃើញ​របស់​ពួក​គេ​ទេ សូម​អ្នក​ទាំង​អស់​គ្នា​វិនិច្ឆ័យ​ដោយ​ខ្លួន​ឯង​ចុះ!

  • នុស្ស​ជា​ច្រើន​នៅ​ស្រុក​ខ្មែរ​យើង​មើល​ឃើញ​​ក្រុម​អ្នក​ខ្សែ​ចិន​ថា៖

-មិន​ខ្ជិល​ច្រអូស តស៊ូ​នឹង​ការងារ។

-មិន​ផឹកស្រា​ស្រវឹង​ខួប ​ភ្លេច​ការងារ ភ្លេច​ផ្ទះ ភ្លេច​ប្រពន្ធ​ ភ្លេច​កូន។

-ប្ដី​មិន​ក្បត់​ប្រពន្ធ ប្រពន្ធ​មិន​ផិត​មាន​សហាយ។

-ទុក​ដាក់​លុយ​បាន​ល្អ ពូកែ​រកស៊ី។

-មិន​ដែល​ឃើញ​កូនស្រី​របស់​ពួក​គេ​ទៅ​ធ្វើ​ជា​ស្រី​លក់​ខ្លួន។

-ការ​លែងលះ​គ្នា​មាន​កំរិត​ទាប​។

-ជួយ​ជ្រោមជ្រែង​គ្នា​ដើម្បី​បង្កើត​មុខ​របរ​ជំនួញ។

-​ជា​មនុស្ស​ឆ្លាត​ រៀន​ពូកែ។

-កូន​ប្រុស​ កូន​ស្រី​របស់​ពួក​គេ​ស្អាត​ៗ។

ជា​មនុស្ស​មាន​ទំនុកចិត្ត​ខ្លួន​ឯង​ខ្ពស់។

-គ្មាន​អ្នក​ណា​ល្អ​ជាង​ប្ដី​អញ ប្រពន្ធ​អញ​ កូន​អញ ក្រុម​គ្រួសារ​អញ។

-ពូកែ​ធ្វើ​ម្ហូប។

  • តើ​អ្នក​ទាំង​អស់​គ្នា​ធ្លាប់​លឺ​ពាក្យ​អ្វី​ផ្សេង​ទៀត​អំពី​ពួក​គេ​ទេ?

Related articles

ទស្សនៈ “កុំ​លោភ​ហួស​ប្រមាណ” 04/02/2013

Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មាន​ជាតិ, សាសនា, សុភមង្គល.
Tags: , , , , , ,
3 comments

សូម​ខំ​សាង​ល្អ​អ្នក​ទាំង​អស់​គ្នា កុំ​លោភលន់​ហួស​ប្រមាណ កុំ​បង្ក​​គ្រោះភ័យ​ដល់​អ្នក​ផង សូម​រស់នៅ​ដោយ​សន្តិភាព គោរព​ស្រលាញ់​គ្នា​ ថែ​រក្សា​គ្នា​ជា​បង​ប្អូន ព្រោះ​នៅ​ទីបំផុត​មនុស្ស​គ្រប់​គ្នា​ចាកចេញ​ទៅ​វិញ ដោយ​មិន​អាច​សណ្ដោងយក​​​អ្វី​ សូម្បី​តែ​បន្តិច​ទៅ​តាម​ខ្លួន។

“កើត​មក​មាន​ប៉ុណ្ណា ត្រលប់​ទៅ​វិញ​មាន​​តែ​ប៉ុណ្ណឹង​ឯង”

Related articles

ឃាតករ​សិប្បនិម្មិត ត្រលប់​ចូល​គុក 27/12/2012

Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មាន​ជាតិ.
Tags: , , , , , , ,
add a comment

កាល​ពី​ថៃ្ង​ទី ២២ ខែ មករា ឆ្នាំ ២០០៤ លោក ជា វិជ្ជា ត្រូវ​បាន​គេ​បាញ់​សំលាប់​កណ្ដាល ក្រុង​ភ្នំពេញ ខែ សីហា ឆ្នាំ ២០០៥ សុខ សំអឿន និង ប៊ន សំណាង បាន​តុលាការ​កាត់ទោស​អោយ​ជាប់​ពន្ធនាគារ​ចំនួន ២០ ឆ្នាំ​ម្នាក់​ពី​បទ​ចោទ​មនុស្ស​ឃាត​លើ​លោក ជា វិជ្ជា។ ក្រោយ​មក​តុលាការ​សាលា​ឧទ្ធរណ៍ កាល​ពី​ខែ មេសា ឆ្នាំ ២០០៧ បាន​សម្រេច​តម្កល់​សាលក្រម​របស់​តុលាការ​ក្រុង​ភ្នំពេញ​នោះ ចាត់​ទុក​ជា​បាន​ការ។ ខែ មករា ឆ្នាំ ២០០៩ តុលាការ​កំពូល​បាន​ប្រកាស​សាល​ដីកា​ដោះលែង ប៊ន សំណាង និង សុខ សំអឿន ឲ្យ​នៅ​ក្រៅ​ឃុំ​ជា​បណ្ដោះ​អាសន្ន ដោយសារ​តែ​តុលាការ​សាលា​ឧទ្ធរណ៍ កន្លង​មក​មិន​បាន​សម្រេច​ឲ្យ​មាន​ការ​ស៊ើប​អង្កេត​ជា​ថ្មី ចំពោះ​សំណុំ​រឿង​នេះ។ ថ្ងៃ ទី ២៧ ខែ ធ្នូ ឆ្នាំ ២០១៣ នេះ សាលាឧទ្ធរណ៍​បាន​កាត់​ទោស​ពួក​គេ​ម្ដង​ទៀត អោយ​ជាប់​គុក​ម្នាក់ ២០ ឆ្នាំ​ដដែល ទោះ​ជា​មាន​ឯកសារ​បញ្ជាក់​ជាច្រើន បញ្ជាក់​ថា​បុរស​ទាំង​ពីរ​នាក់​នេះ មិនមែន​ជា​ឃាតករ​ក្ដី ប្រសិន​ជា​លោក​អ្នក​បាន​ទស្សនា​រឿង “ឃាតករ​សិប្បនិម្មិត – Plastic Killers” និង “អ្នកណា​សំលាប់​ ជា វិជ្ជា – Who Killed Chea Vichea” អ្នក​ទាំង​អស់​គ្នា នឹង​ប្រាកដ​ថា​ពួក​គេ​ទាំង​ពីរ​នាក់​ មិនមែន​ជា​ឃាតករ​ពិតប្រាកដ​ទេ សូម្បី​​តែ​​ក្នុង​​សេចក្ដី ថ្លែងការណ៍​របស់​លោក ហេង ពៅ ក៏​បាន​បញ្ជាក់​អញ្ចឹង​ដែរ។ ពាក្យ​ខ្មែរ​មួយ​ឃ្លា​និយាយ ថា “ស្វា​លួច​ស៊ី​បាយ យក​មក​លាប​មាត់​ពពែ”។

Related articles

សួង សោភ័ណ្ឌ មាន​វាសនា​ដូច​លោកស្រី មួរ សុខហួរ? 02/12/2012

Posted by ស្រុកខ្មែរ ស្នេហ៍ខ្ញុំ in ទស្សនៈ, ព័ត៌មាន​ជាតិ.
Tags: , , , , ,
2 comments

ក្រោយ​ពី អូបាម៉ា ពិភាក្សា​គ្នា​តែ​ពីរ​នាក់​ ជាមួយ​នឹង​លោក​នាយក​រដ្ឋមន្ត្រី ហ៊ុន សែន លើ​បញ្ហា​រំលោភ​សិទ្ធិ​មនុស្ស​ អ្នកទោស​នយោបាយ បញ្ហា​ការ​រំលោភ​យក​ដី​ធ្លី​ ការ​បោះឆ្នោត​ដោយ​សេរី និង យុត្តិធម៌ យើង​ឃើញ​ថា​លោក ហ៊ុន សែន មិន​ទទួល​យក​តាម​ការ​ស្នើសុំ​នោះ​ឡើយ ដោយ​រុញច្រាន​ថា​ “ប្រទេស​កម្ពុជា​គ្មាន​​អ្នកទោស​នយោបាយ មាន​តែ​អ្នក​នយោបាយ​ជាប់ទោស​ព្រហ្មទណ្ឌ” ហើយ​បញ្ហា​សិទ្ធិមនុស្ស​ថា “បញ្ហា​សិទ្ធិមនុស្ស​ក្នុង​ប្រទេស​កម្ពុជា មាន​ស្ថានភាព​ល្អ​ប្រសើរ​ជាង​ប្រទេស​ក្នុង​តំបន់” ជាដើម។

ក្រោយ​ពី​កិច្ចប្រជុំ​កំពូល​អាស៊ាន ត្រូវ​បាន​បញ្ចប់ អីឡូវ​ចូល​ដល់​បញ្ហា​មួយ​ទៀត​ ទាក់ទង​នឹង​បុណ្យ​អុំទូក​ឆ្នាំ ២០១០ ដែល​នៅ​ថ្ងៃ​ចុង​ក្រោយ​នៃ​ពិធី​បុណ្យ​នោះ មាន​ការ​ចលាចល​រត់​ជាន់​គ្នា​លើ​ស្ពាន​កោះ​ពេជ្រ​ ដែល​បណ្ដាល​អោយ​មនុស្ស​ជាង ៣០០ នាក់​បាត់បង់​ជីវិត​នោះ អីឡូវ​ក្រុម​យុវជន​​ប្រឆាំង​របស់​គណបក្ស សម រង្ស៊ី បាន​ដាក់​ពាក្យ​បណ្ដឹង​លោក ហ៊ុន សែន ទៅ​តុលាការ​ ទាក់ទង​នឹង​ការ​ស្លាប់​បាត់បង់​ប្រជាជន​ទាំង​នោះ។

ឆ្លើយ​តប​នឹង​បណ្ដឹង​នេះ នៅ​ក្នុង​ពិធី ចែក​ប័ណ្ណ​កម្មសិទ្ធិ​ដី​ធ្លី​ជូន ប្រជាពលរដ្ឋ នៅ​ស្រុក​ព្រៃនប់ ខេត្ត​ព្រះសីហនុ នា​ព្រឹក​ថ្ងៃ​ទី ២ ខែ ធ្នូ នេះ​ លោក​នាយក​រដ្ឋមន្ត្រី ហ៊ុន សែន បាន​ថ្លែង​ឲ្យ​ដឹង​ថា លោក​នឹង​ប្តឹង​បក​ទៅ​ប្រធាន ចលនា​យុវជន គណបក្ស សម រង្ស៊ី លោក សួង សុភ័ណ្ឌ ក្នុង​ករណី​ដែល​តុលាការ​រក​មិន​ឃើញ កំហុស របស់​លោក​ ដែល​ប្រធាន ចលនា​យុវជន គណបក្ស សម រង្ស៊ី រូប​នេះ​បាន​ប្ដឹង លោក​ទាក់ទិន​នឹង​រឿង​ខាង​លើ។

តើ​មូលហេតុ​អ្វី​បាន​ជា​ពួក​គេ ត្រូវ​ប្ដឹង​លោក ហ៊ុន សែន ក្នុង​ពេល​នេះ ក្រោយ​ពេល​ហេតុការណ៍​បាន​កើត​ឡើង​ដល់​ទៅ ២ ឆ្នាំ? ហេតុអ្វី​បាន​ជា​ពួក​គេ​ត្រូវ​ប្ដឹង​លោក ហ៊ុន សែន តែ​មិន​ប្ដឹង​លោក កែវ ជុតិម៉ា រឺ លោក ទូច ណារ៉ុថ? តើ​ជា​ការ​ត្រឹមត្រូវ​ទេ ក្នុង​ការ​ប្ដឹង​លោក ហ៊ុន សែន ទាក់ទង​នឹង​បញ្ហា​នេះ? តើ សួង សោភ័ណ្ឌ នឹង​មាន​ជោគវាសនា ដូច​នឹង​លោក​ស្រី មួ សុខហួរ ដូច​កាល​ពី​លោក​ស្រី ប្ដឹង​លោក​ ហ៊ុន សែន កាល​ពី​មុន?

បើ​មើល​តាម​ហេតុការណ៍ ឃើញ​ថា​ការ​រត់​ជាន់​គ្នា​ស្លាប់​នោះ វា​ជា​រឿង​ចៃដន្យ​មួយ មិន​មាន​អ្នក​ណា​រៀប​គម្រោង ដើម្បី​បង្កើត​អោយ​មាន​ការ​រត់​ជាន់​គ្នា​ស្លាប់​នោះ​ទេ រឿង​កើត​ឡើង​នោះ​គេ​អាច​ប្រើ​ពាក្យ​មួយ​ថា “យថាហេតុ”។ ជា​សំណួរ​ អញ្ចឹង​​​ប្រសិន​ជា​កាល​ពេល​នោះ​លោក សម រង្ស៊ី ជា​អ្នក​ដឹក​នាំ​វិញ តើ​លោក សម រង្ស៊ី នឹង​ធ្វើ​យ៉ាង​ដូច​ម្ដេច? ចុះ បើ​ពេល​នោះ​លោក កឹម សុខា ជា​អ្នក​ដឹកនាំ​វិញ​ តើ​លោក​នឹង​ធ្វើ​យ៉ាង​ដូច​ម្ដេច? ចុះ​បើ​ពេល​នោះ​លោក បារ៉ាក់ អូបាម៉ា ជា​អ្នក​ដឹក​នាំ​វិញ​ តើ​លោក​នឹង​ធ្វើ​យ៉ាង​ដូច​ម្ដេច? ចូល​​ទៅ​សម្រាក​ក្នុង​គុក? លាលែង​ពី​ដំណែង​នាយក​រដ្ឋមន្ត្រី?

តើ​លោក សួង សោភ័ណ្ឌ ប្ដឹង​នេះ​ចង់​​ចោទ​ថា​លោក ហ៊ុន សែន ជា​អ្នក​សំលាប់​មនុស្ស​ចំនួន​ជាង ៣០០ នាក់​នោះ? តើ​​លោក សួង សោភ័ណ្ឌ ចង់​ប្ដឹង​អោយ​​លោក ហ៊ុន សែន ចូល​ទៅ​ដេក​គុក រឺ សង​ជា​ប្រាក់ រឺ អោយ​សុំទោស រឺ ចង់​បាន​អ្វី​ផ្សេង​ពី​នេះ នៅ​ពេល​ដឹង​ថា​ ខ្លួន​នឹង​ចាញ់​លោក ហ៊ុន សែន ១០០%? ព្រោះ​អ្នកណា​ក៏​ដឹង​ដែរ​ថា តុលាការ​ស្ថិត​ក្រោម​អំណាច​បញ្ជា​របស់​លោក ហ៊ុន សែន “ច្បាប់​តូច​ជាង​មនុស្ស”។

Related articles

%d bloggers like this: