jump to navigation

រឿង​ខ្លី៖ ចំណាំង​ដំឡូង​មួយ​កញ្ចប់ 05/09/2012

Posted by ស្រុកខ្មែរ ស្នេហ៍ខ្ញុំ in និទាន​បែប​អប់រំ​, រឿង​ខ្លី.
Tags: , , ,
4 comments

ស្ត្រី​អ្នក​មាន​ស្ដុកស្ដម្ភ​ម្នាក់ ​ធ្វើ​ដំណើរ​តាម​រទេះភ្លើង​ដើម្បី​ទៅ​កំសាន្ដ​នៅ​ទីក្រុង ព្រោះ​តែ​ចង់​ទទួល​បាន​បទ​ពិសោធន៍​ជីវិត​នៃ​ការ​​ដើរ​កំសាន្ដ​ តាម​បែប​មនុស្ស​ធម្មតា។ ក្រោយ​ពេល​ការ​កំសាន្ដ​របស់​គាត់​នៅ​ទីក្រុង​បាន​បញ្ចប់ គាត់​ត្រូវ​ធ្វើ​ដំណើរ​ត្រលប់​មក​វិញ តែ​ពេល​ដែល​គាត់​មក​ដល់​ចំណត​រថភ្លើង រថភ្លើង​បាន​ចេញ​ដំណើរ​ផុត​បាត់​ទៅ​ហើយ ដូច្នេះ​គាត់​ត្រូវ​រង់ចាំ​រថភ្លើង​បន្ទាប់​ ដែល​នឹង​ចេញ​ក្នុង​រយៈពេល​មួយ​ម៉ោង​ទៀត។

ដោយ​ឃ្លាន​បាយ ស្ត្រី​នោះ​បាន​ចូល​ទៅ​ហាង​លក់​មួយ ទិញ​​ចំណាំង​ដំឡូង​មួយ​កញ្ចប់​ធំ សំរាប់​ញ៉ាំ​សម្រន់​មុន​ពេល​ ដែល​រថភ្លើង​​ថ្មី​មក​ដល់។ ក្រោយ​ពេល​ទិញ​ហើយ គាត់​មក​អង្គុយ​ចាំ នៅ​ក្បែរ​កន្លែង​ស្ត្រី​ម្នាក់​នោះ​អង្គុយ មាន​បុរស​សុំទាន ក្នុង​សំលៀកបំពាក់​កខ្វក់ និង ក្លិន​ខ្លួន​មិន​ល្អ អង្គុយ​ក្បែរ​នោះ​ដែរ។ រាល់​ពេល​ដែល​ស្ត្រី​នោះ​លូក​ដៃ​ទាញ​យក ចំណាំង​ដំឡូង​មួយ​ចំណាំង​ដាក់​ក្នុង​មាត់ បុរស​អ្នក​សុំទាន​ន​ក៏​ទាញ​មួយ​​ ពី​កញ្ចប់​នោះ ដាក់​ក្នុង​មាត់​ដែរ ស្ត្រី​ម្នាក់​នោះ​មាន​ភាព​ស្រឡាំងកាំង​យ៉ាង​ខ្លាំង នាង​សម្លក់​បុរស​សុំ​ទាន​ម្នាក់​នោះ​ ស្ទើរ​ជ្រុះ​គ្រាប់​ភ្នែក តែ​នាង​មិន​ហ៊ាន​ស្ដី​បន្ទោស ​អោយ​បុរស​នោះ​ទេ ព្រោះ​ខ្លាច​បុរស​នោះ​ធ្វើ​អំពើ​អាក្រក់​​ណាមួយ​ដល់​ខ្លួន។

ពួក​គេ​ទាំង​ពីរ​នាក់​ញ៉ាំ​ចំណាំង​ដំឡូង​នោះ រហូត​ដល់​នៅ​សល់​មួយ​ចំណាំង បុរស​សុំទាន​ម្នាក់​នោះ ក៏​ទាញ​យក​ចំណាំង​ចុង​ក្រោយ​នោះ ហើយ​បំបែក​ជា​ពីរ​ ហើយ​ដាក់​ពាក់​កណ្ដាល​ចូល​ក្នុង​មាត់​ និង ពាក់​កណ្ដាល​ទៀត​ហុច​ទៅ​អោយ​ស្ត្រី​ម្នាក់​នោះ។ ស្ត្រី​ម្នាក់​នោះ​ទប់​កំហឹង​ខ្លួន​លែង​បាន នាង​បាន​សម្លក់​​បុរស​នោះ​ ដោយ​ខ្សែ​ភ្នែក​សម្អប់​មួយ ហើយ​នាង​ក៏​​ទះ​ដៃ​បុរស​ម្នាក់​នោះ ធ្វើ​អោយ​ចំណាំង​ដំឡូង​នោះ​ធ្លាក់​ទៅ​ដី​​​បែក​អស់​ទៅ។

ពេល​នោះ​រថភ្លើង​ក៏​មក​ដល់ ស្ត្រី​ម្នាក់​នោះ​ក៏​ចូល​ទៅ​ក្នុង​រថភ្លើង​ ធ្វើ​ដំណើរ​ចេញ​បាត់​ទៅ។ ដល់​ពាក់​កណ្ដាល​ផ្លូវ ស្ត្រី​នោះ​បាន​លូក​ដៃ​ចូល​ក្នុង​កាបូប​ បម្រុង​នឹង​យក​សៀវភៅ​ទស្សនាវដ្ដី​មក​អាន ស្រាប់​តែ​ដៃ​របស់​គាត់​ប៉ះ​នឹង​កញ្ចប់​ម៉្យាង​ក្នុង​នោះ ពេល​ដែល​គាត់​ទាញ​យក​មក​គឺ​កញ្ចប់​ចំណាំង​ដំឡូង ដែល​គាត់​ទិញ​នៅ​ហាង​លក់​ នៅ​ចំណត​រទេះភ្លើង​មួយ​ម៉ោង​មុន​សោះ។ តាម​ពិត​ចំណាំង​ដំឡូង​ ដែល​គាត់​ញ៉ាំ​នោះ​ជា​របស់​បុរស​សុំទាន​​នោះ តែ​គាត់​ច្រឡំ​គិត​ថា​វា​ជា​របស់​ខ្លួន​គាត់​ទៅ​វិញ។ ស្ត្រី​ម្នាក់​នោះ​មាន​ការ​សោកស្ដាយ​ និង ខ្មាសអៀន​ នឹង​​អំពើ​របស់​ខ្លួន​មែន​ទែន​ ហើយ​គាត់​គិត​សរសើរ​ក្នុង​ចិត្ត​ ដល់​បុរស​សុំទាន​នោះ​ណាស់ ដែល​គាត់​មិន​មាន​អ្វី​សោះ តែ​សូម្បី​តែ​ចំណាំង​ដំឡូង​ចុង​ក្រោយ​របស់​គាត់ ក៏​គាត់​ចែក​ជា​ពីរ​ដែរ ទោះ​បី​ជា​គាត់​កំពុង​តែ​ស្រេកឃ្លាន។

Related articles

សុខភាព៖ ចំណាំង​ដំឡូង​អាច​នាំ​អោយ​អ្នក​ធាត់ 23/06/2011

Posted by ស្រុកខ្មែរ ស្នេហ៍ខ្ញុំ in ព័ត៌មាន​ផ្សេង​ៗ, ព័ត៌មាន​អន្តរជាតិ​, សុខភាព.
Tags: , , ,
add a comment

ចង់​បាន​រូបរាង​ស្ដើង ស្រឡូន​ស្អាត​​ទេ? បើ​ចង់​សូម​កុំ​ញ៉ាំ​​ចំណាំង​ដំឡូង (Potato Chips) ច្រើន​ពេក ព្រោះ​តាម​ការ​សិក្សា​ថ្មីរបស់ New England Journal of Medicine អំពី​ការ​បញ្ចុះ​ទម្ងន់​បង្ហាញ​ថា​ចំណាំង​ដំឡូង​អាច​​អោយ​អ្នក​ធាត់​បាន ដែល​វា​មាន​​​ផល​ខ្ពស់​ជាង​ការ៉េម​​ទៅ ទៀត។  ដោយ​ធ្វើការ​វិភាគ​លើ​ចំនួន​មនុស្ស​ដល់​ទៅ ១២០ ៨៧៧ នាក់​អស់​ជាច្រើន​ឆ្នាំ​រក​ឃើញ​បែប​នោះ ពួក​គេ​ថា​ជា​ធម្មតា​ចំណាំង​ដំឡូង​មាន​រសជាតិ​ឆ្ងាញ់​​ ដូចនេះ​ហើយ​យើង​គ្រប់​គ្នា​មិនមែន​គ្រាន់​តែ​ញ៉ាំ​វា​តែ​ពីរ បី ចំណាំង​នោះ​ទេ យើង​ញ៉ាំ​វា​ច្រើន​ហួស​ពី​ការ​ស្មាន​គឺ​ញ៉ាំ​រហូត​អស់​ពី​កញ្ចប់​តែ​ម្តង។

Remember: You are what you eat

Related articles

%d bloggers like this: